Білім ұйымдарындағы тәрбие жұмысының басты бағыттарының бірі оқушылар арасында құқық бұзушылықты алдын алу және оларды жолда жүру ережелері туралы үнемі хабардар ету болып табылады. Осы бағыттағы жұмысты одан әрі тиімді іске асыру мақсатында ағымдағы жылдың 14 - 19 қараша аралығында Қарағанды қылысының білім бөлімі облыстық жол полициясымен бірлесе отырып «Жол қауіпсіздігі аптасы» атты акцияны өткізуде. Аталған акция жол ережелерін үнемі сақтауға оқушылардың назарын аударуға ғана емес, сонымен қатар мектептердегі жол қозғалысының жас инспекторларының жұмысын жаңдандыру мақсатында ұйымдастырылған.
Бүгінгі күні өтіп жатқан апта барысында барлық білім ұйымдарында түрлі алдын алу іс-шаралары өтуде, олардың ішінде: жаяу жолаушылардың жеке қауіпсіздік құралы ретінде жарық қайтарғыштарды киюді көпшілік арасында тарату бойынша «Стань заметней!» акциясы, мектепке дейінгі ұйымдарда жол қауіпсіздік ережелерін насихаттайтын шығармашылық жұмыстардың конкурстары және басқалар. Мысалға, № 23 орта мектептің жас инспекторлары жол полиция қызметкерлерімен бірлесіп қала көшелерінің бірінде «Өзара түсінушілік күні» акциясын ұйымдастырды. Акция барысында жаяу жолаушылар және жүргізушілер арасында үгіт жұмысын өткізді.
Жол қауіпсіздігі аптасы білім ұйымдарында БҰҰ Ассамблеясының 2005 жылғы 25 қазандағы Қарарына сәйкес жыл сайын өткізіліп тұратынын атап өту қажет.
Байланыс телефондары
