Қарағанды қаласы білім бөлімінің бастамасымен 2016 жылдың 17 тамызында №65 орта мектепте жыл сайынғы жалпы республикалық «Мектепке жол» атты акцияға арналған қайырымдылық ісшара өткізілді.
Жаңа оқу жылына дайындық барысында балаларға әлеуметтік көмек көрсетуге бағытталған бұл акция 1 тамызда басталып, биылғы жылы «Бақытты балалық шақ мекені!» ұранымен ұйымдастырылуда.
Қайрымдылық ісшара барысында жаңа оқу жылы қарсаңында 60 астам балаға мектеп және спорттық форма, кеңсе жабдықтарымен бірге рюкзактар түрінде сыйлықтар табыс етілді.
Демеушілер ретінде ісшараға «Мир добра» ҚБ, «Қарағанды» ҚҚ, «Казмарганец» Кен басқармасы, «Норд Ост» және «Аксоран» ЖШС, жеке кәсіпкерлер Г.Т. Дуйсекова, Е.И. Науман, С.С. Берсанова, О.П. Шкадина, Д.Ж. Калимбетов, Б.Р. Жиенбекова, Р.М. Жунусбеков, А.А. Капасова, О.Н. Смольникова, «На 13», «Олимп», «Джунель», «Алатау», «Сарыарқа» атты сауда орындарының әкімдіктері, сонымен бірге ата-аналар қауымдастығының және білім ұйымдарының өкілдері қатысты.
«Мектепке жол» акциясы аясындағы мектеп жасындағы балаларды білім ұйымдарында оқумен қамту және оларға әлеуметтік қолдау көрсету жөніндегі ісшаралар жалғасуда.
