Балаларды қорғау Халықаралық күнін мерекелеу аясында 2016 жылдың 1 маусымында балалар мен жеткіншектер Сарайында Қарағанды қаласының әкімі Н.Е. Әубәкіровтың қатысуымен «Жаз» орталығы жұмысының басталуына арналған «Балалық шақтың жұлдызды сәттері» атты мерекелік бағдарлама ұйымдастырылды.
«Жаз» орталығы жұмысының бағдарламасына мектеп жанындағы және бейіндік лагерьлерге қатысып жүрген балалардың қамтылуымен әртүрлі үйірмелер мен секциялардың жұмысын ұйымдастыру, жаппай ісшаралар мен әртүрлі сауықтыру бағдарламаларды өткізу енгізілген.
Қарағанды қаласы білім бөлімінің бастамасымен ағымдағы жылдың 1 маусымында қаладағы білім беру ұйымдарында мектепішілік және бейіндік демалыс лагерьлерінің салтанатты ашылуы өткізілді.
Балалармен жазғы уақытта жұмыс жасаудың мақсаты олардың демалуын, сауығуын, бос уақыттарын ұйымдастыру үшін тиімді шарттарды жасау, құқықбұзушылықтың алдын алу, балалардың арасында салауатты өмір салтын насихаттау болып табылады.
Әлеуметтік қорғалмаған отбасылардан шыққан балалар және девиантты мінез-құлқы бар балалар сауықтыру демалысымен басым түрде қамтамасыз етіледі.
Ағымдағы жылдың жазғы айларында мектепішілік және бейіндік, оның ішінде лингвистикалық, экологиялық, өлкетану, спорттық және туристік лагерьлерде, сонымен бірге болашақ бірінші сынып оқушылары үшін жазғы мектептерде және басқаларында 50 мыңнан астам балалардың демалысы ұйымдастырылады.
Мектеп жанындағы лагерлердің бағдарламаларына әртүрлі ісшаралардың, оның ішінде Қазақстан Республикасы Тәуелсіздігінің 25-жылдығына және әртүрлі мерекеге арналған ісшаралардың, шығармашылық, көркем, музыкалық байқаулардың, кездесулердің, ойындардың, викториналардың, спорттық сайыстардың өткізілуі, сонымен қатар кинотеатрларға, саябақтарға және қаладағы мәдени, ойын сауық орталықтарына бару енгізілген.
Жаз мезгілі бойы мектеп жанындағы және бейіндік лагерьлерге қатысып жүрген балалар үшін Қарағанды қаласының төтенше жағдайлар бойынша басқармасымен бірлескен «Қауіпсіздіктің жазғы сессиясы» атты акциясы аясында қауіпсіз жүріс-тұрыс бойынша алдын алу сабақтары өткізіледі.
Балалардың бос уақыттары көгалдандыру бригадаларында, еңбек жасақтарында, жазғы мектептерде, әртүрлі балалар жасөспірімдер клубтарында, үйірмелер мен секцияларда және «Жасыл ел» ЖЕЖ жұмысқа орналастыру арқылы ұйымдастырылады.
Сонымен бірге, қосымша білім беретін ұйымдарда да бейіндік лагерьлердің және әртүрлі үйірмелердің жұмысы ұйымдастырылған.
