2011 жылғы 25 және 26 қазанда Қазақстан Республикасы Тәуелсіздігінің 20-жылдығына арналған іс-шаралар аясында жалпы білім беретін №5 орта мектептің Ресурстық орталығында «Тәуелсіз Қазақстанға - 20 жыл: Орталық Қазақстан - индустриялды-инновациялық дамыған аймақ» атты білімдік-танымдық көрме өткізілді. Көрме тәуелсіз Қазақстанның даму тарихын, еліміздің ғылым және білім саласындағы маңызды жетістіктерін, Қарағанды аймағының индустриалды-инновациялық және интеллектуалды байлығын аша білді.
Көрме еліміздің және облыстың жетістіктерін насихаттау, жастардың рухани-адамгершілік, патриоттық сезімдерін тәрбиелеу және ұрпақтар сабақтастығын нығайту мақсатында өткізілді. Аталған шараның ұйымдастырушылары: жалпы білім беретін №5 орта мектептің Ресурстық орталығы, Қарағанды қаласының білім бөлімі, ҚарМТУ, ҚММУ, БАИ, «Технопарк» ЖШС, Салауатты өмір салты орталығы.
Көрмеге келгендер мектептің Ресурстық орталығы, БАИ, облыстық мұрағат, салауатты өмір салты орталығы дайындаған стендтік материалдарымен, бейне және фотоматериалдарымен танысты. Қазақстан Республикасының Тұңғыш Президенті Н.Ә. Назарбаевтың Жоғары оқу орнына кеңістік саясат жасауды ҚарМТУ ұйымдастырды. «Технопарк» ЖШС инновациялық технологиялар жөнінде бейнематериалдарды, экспонаттарды, ал облыстық мұрағат облыстың белгілі тұлғалары туралы бейнероликтерды көрмеге келушілердің назарына ұсынды.
Көрме жұмысына қатысқандар: шағын аудан мектептерінің педагогикалық ұжымдары, БАИ, ҚарМТУ, ҚММУ басшылары және өкілдері, облыстық мұрағаттың, салауатты өмір салты орталығының қызметкерлері, студент және оқушы жастар.
Көрмеге 500-ден астам адам қатысты.
Contacts
