Қарағанды қаласының білім бөлімі Қарағанды қаласының ІІБ жергілікті полиция қызметімен бірлесе отырып, 2016 жылғы 27-28 сәуір аралығында №16 және №74 орта мектептерде жол қозғалысы жас инспекторларының қалалық байқауын өткізді.
Байқау балалар жол-көлік жарақаттануының алдын алу жөніндегі жұмысын арттыру, жол ережесін нақты сақтау қажеттілігіне балалардың назарын аудару, балалардың жолда жүру мәдениетін қалыптастыру мақсаттарында ұйымдастырылды. Биылғы оқу жылында 17-ші қалалық байқауға 40-тан астам мектептің жас инспекторларының жасақтары қатысты. Жас инспекторлар жолда жүру ережелерінің білімпаздары, эрудиттер, реттеушілер, санитарлар байқауларында өз білімдерін, ал саптық және велосипедпен жүру байқауларында жоғары дайындықтарын, сонымен қатар «Скутер-балаларға ойыншық емес!» атты тақырыбына арналған үгітбригадалар байқауларында көрсете білді.
Екі күн бойы өткен байқаудың қорытындысы бойынша жүлделі орындарға жас инспекторлар жасақтары ие болды: Қазыбек би атындағы ауданының білім ұйымдары арасында - №101 мектеп-лицей (1 орын), №45 гимназия (2 орын), №39 гимназия (3 орын); Октябрь ауданының білім ұйымдары арасында - №32 орта мектеп (1 орын), №74 орта мектеп (2 орын), №33 орта мектеп (3 орын). Сонымен қатар жеке номинацияларда жеңімпаздар анықталды: «Жол ережелерінің үздік білгірі» - Непогодин Д. (№45 гимназия), Мауленова П. (№36 ОМ); «Үздік білімпаз» - Мынбай А. (№58 ОМ), Гуржос П. (№4 мектеп-интернат); «Үздік санитар» - Федорова Л. (№1 гимназия), Буранкулова А. (№68 мектеп-интернат); «Үздік реттеуші» - Ляшева В. (№59 ОМ), Рахметуллов У. (№65 ОМ); «Үздік велосипедші» - Эммих К. (№100 НМ), Жанабаев Н. (№50 НМ).
Қалалық байқауда 1 орынға ие болған №101 мектеп-дицейдің және №32 орта мектебінің жас инспекторлар жасақтары ағымдағы жылғы маусым айында Қарағанды қаласының атынан облыстық байқауға қатысатын болады.
