Эстетикалық тәрбие жағдайларын құру саласында бастамаларды анықтау және қолдау, мұғалімдер мен оқушылардың шығармашылық қабілеттерін белсендіру, ұстаздық еңбектің мәртебесін арттыру мақсатында Қарағанды қаласының білім бөлімі 2011 жылғы қыркүйек айының 09 мен 30 аралығында «Менің алғашқы ұстазым» және «Мектеп-ғажайып әлем» атты қалалық конкурстарды өткізді.
Аталған конкурстар Қазақстан Республикасының Тәуелсіздігінің 20-жылдығына арналып ұйымдастырылды.
«Менің алғашқы ұстазым» шығармашылық конкурсқа оқушылардан және мектеп түлектерінен әртүрлі жанрларда: шығармалар, тұсаукесерлер, бейнероликтер, барлығы 60 астам жұмыстар түсті. Байқауға қатысушылар өздерінің алғашқы мұғалімдері, сүйікті ұстаздары, жаттықтырушылары туралы әңгімеледі. Ал «Мектеп-ғажайып әлем» атты бейнероликтер байқауына қаладағы 27 мектеп қатысты.
Аталған конкурстардың жеңімпаздарын Қарағанды қаласының білім бөлімнің дипломдарымен және белсенді қатысушыларды байқауға қатысқаны туралы сертификаттармен марапаттау шарасы 2011 жылғы 21 қазанында№ 77 мектеп - бала бақша кешенінде өткізілді.
Contacts
