2016 жылғы 13 сәуір күні Қарағанды қаласы Білім бөлімінің ұйымдастыруымен алғаш рет Балалар мен жасөспірімдер сарайында Әлихан Бөкейханның 150 жылдық меретойына арналған «Алаш зиялылары және олардың оқу-ағартушылық ұстанымдары» атты қалалық ғылыми-практикалық конференция өткізілді.
Конференция Әлихан Бөкейханның образы сомдалған театрландырылған сахналық қойылым арқылы арқылы ашылды.
Конференция жұмысына Бейсембекова Н.А., Шотбакова Л. К.,- Академик Е.А.Бөкетов атындағы Қарағанды Мемлекеттік Университетінің археология, этнология және Отандық тарих кафедрасының доценттері, Аршабеков Темиргали Тлеубекович –Қарағанды облыстық өнер мұражайы директорының орынбасары қатысты.
Конференция жұмысына қаланың 78 білім беру ұйымдарынан педагогтар мен 7-11 сынып оқушылары қатысты.Пленарлық отырыста № 3, 39, 41,76 мектептер мен гимназиялардың оқушылары Борисова М., Кентбеков А., Бапиев А., Калиева А., Әлихан Бөкейханның өмірі мен шығармашылығы, Щербиннің статистикалық экспедициясының құрамындағы зерттеу еңбектері және білім саласына қосқан қомақты үлесі туралы айтып берді. Оқушылар өз баяндамаларының соңында «Алаш» мұрасының құндылығын және де оны «Алаштану» факультативті курсы арқылы енгізу, сондай-ақ «Қазақ елі» қалалық конкурсын ұйымдастыру керек деген пікірге келді.
Конференцияның қорытындысында жас оқушы-ақындар Әлихан Бөкейханға арнаған өз өлеңдерін оқыды.
Конференцияның қорытындысы жобалардың электрондық жинағы болмақ. Аталған жинақ «Қарағанды қалалық Білім бөлім» ММ сайтында орналастырылатын болады.
