Қарағанды қаласы білім бөлімінің бастамасымен 2016 жылғы 31 наурызда № 57 мектеп-лицейде білім ұйымдарының оқушылары арасында Қазақстанда азаматтық қоғамның қалыптасуы тақырыбына арналған қалалық дебаттық турнир өткізілді.
Дебаттық турнир оқушылардың белсенді азаматтық ұстанымын қалыптастыру, оқушыларда көшбасшылық қасиетті, шешендік қабілетті, мектептік дебаттық қозғалыстарды одан әрі дәріптеуді дамыту мақсатында өткізіледі. Турнирге 40 астам командалар қатысып, оларды Е.А.Бөкетов атындағы Қарағанды мемлекеттік университеті дебаттық клубының мүшелерінен-студенттерден, білім ұйымдарының тарих пәні мұғалімдерінен құрылған қазылар алқасы бағалады.
Дебаттық турнирдің қорытындысы бойынша жүлделі орындарға ие болғандар: қазақ лигасы - Бас жүлде - «Ұлан» №39 гимназия, 1 орын - «Алаш» №81 ОМ, 2 орын - «Әділет» №41 ОМ, 3 орын - «Нұрлы жол» №57 мектеп-лицей; орыс лигасы - Бас жүлде - «Нирвана» №97 гимназия, 1 орын - «45 калибр» №45 гимназия, 2 орын - «Лидер» №9 гимназия, 3 орын - «La muerte» №1 гимназия. Турнирдің үздік спикерлері болып Амангелдиев Мұрабек (№41 ОМ), Ожго Александр (№1 гимназия) танылды.
Жеңімпаз болып атанған командалар мен спикерлер Қарағанды қаласы білім бөлімінің грамотасымен марапатталды.
