Қазақстан Республикасында тілдерді дамыту мен қолданудың 2011 - 2020 жылдарға арналған мемлекеттік бағдарламасын орындау мақсатында, Қарағанды қаласы білім бөлімінің бұйрығына сай 2016 жылдың 29-30 наурызы күндері ҚазТЕСТ бағдарламасы бойынша сынақ тест өткізілді. Барлық сұрақтар саны – 150. Оның ішінде: тыңдалым – 30 тест тапсырмасы (орындалу уақыты 25 минут) лексика-грамматикалық бөлік – 70 тест тапсырмасы (50 минут); оқылым– 50 тест тапсырмасы (65 минут). Әр тапсырма бойынша 4 ұсынылған жауаптан бір дұрыс жауабын таңдау қажет.
Тестке қала білім ұйымдарының қазақ тілі мен әдебиеті пән мұғалімдері қатысты. Олар диагностикалық тест түрін тапсырды. Жалпы қатысушылар саны – 579. Бұл қала бойынша барлық қазақ тілі мен әдебиеті пән мұғалімдерінің 70 % құрайды.
Сонымен қатар білім бөлімінің мемлекеттік қызметкерлері де В1 деңгейінің сертификатын алу үшін тест тапсырды. В1 (орта деңгей) деңгейі тыңдалым, лексика-грамматикалық, оқылым тапсырмалармен қатар «Жазылым» бөлігін қамтыды. «Жазылым» бөлігінде тестіленушілер мазмұндама жазды.
Тестілеудің барлық түрінің нәтижесі 1 ай шамасында белгілі болады.
