Қарағанды қаласы білім бөлімінің бастамасымен 2016 жылдың 18-19 ақпан аралығында №27 және 17 орта мектептерінде «Құқықтық сақшы-2016» атты білім ұйымдарындағы полицияға қолғабыс етуші шұғыл жасақтарының арасында қалалық байқау өткізілді.
Байқау оқушыларға құқықтық тәрбие беру, олардың заңға бағынушылық жүріс-тұрыстарын және құқықтық сауаттылықтарын арттыру, оқушылар арасында құқық бұзушылықтың алдын алу, сонымен қатар, полицияға қолғабыс етуші шұғыл жасақтардың жұмысын жетілдіру мақсатында ұйымдастырылды.
Байқауға 50-ден астам білім ұйымдарының жасақтары қатысып, олар үгіт көріністері барысында өздерінің құқықтық білімдерін, белсенді азаматтық ұстанымдарын көрсете білді және құқық бұзушылықтың алдын алу бойынша жасақтарының жұмысы туралы баяндап берді.
Қатысушылардың көріністерін қазылар алқасы, оның ішінде Қарағанды қаласы білім бөлімінің мамандары, Қарағанды қаласы ішкі істер Басқармасының қызметкерлері, ювеналды полиция тобының бас инспекторлары бағалады.
Үгіт сайыстың қорытындысы бойынша жүлделі орындарға ие болғандар: Гран-при - №9 гимназия, 1 орын - №97 гимназия, №77 МББК; 2 орын - №16 ОМ, №39 гимназия, №45 гимназия, №8 НМ, №32 ОМ; 3 орын - №3 гимназия, №27 ОМ, №38 гимназия, №17 ОМ, №33 МББК, №11 НМ.
Сонымен қатар, арнайы номинацияларда жеңімпаздар болып атанғандар: «Шығармашылық батылдығы үшін» - №63 ОМ, «Алғашқы әскери дайындықтарын ұсынғаны үшін» - №83 ОМ, «Құқық тарихына қызығушылығы үшін» - №91, «Ұрпақ сабақтастығы және отансүйгіштігі үшін» - №85 ОМ.
