Қазан айының алғашқы күндері ең құрметті кәсіби мерекелердің бірі – Мұғалімдер күні аталып өтеді. Осы мерекенің алдында біздің әрқайсымыз өмірімізде ұмытылмас із қалдырған өз ұстаздарымызды құрметпен еске аламыз: олардың көмегімен біз ғылым негіздерін ғана меңгерген жоқпыз, сонымен қатар достыққа, қарым-қатынас жасауға, өз қаламызды жақсы көруге, өз Отанымыздың патриоттары болуды үйрендік.
Дәстүрлі түрде, Мұғалімдер күні мерекесі алдында Қарағанды қаласының әкімі қаланың педагогтарын құттықтады. Биылғы жылы, Мұғалімдер күнін мерекелеудің ерекшелігі – оның өткізілу түрінің өзгешелігі болып табылады. Салтанатты іс-шара «Колизей» мерйамханасында өтті.
Қала әкімі білім берудің үздік қызметкерлерін грамоталармен және алғыс хаттармен марапаттады. Қалалық мәслихат «Үздік директор», «Үздік мұғалім», «Мектепке дейінгі ұйымның үздік тәрбиешісі» атақтарының иегерлеріне дипломдар тапсырды.
Қаланың білім беру жүйесінде ұзақ жылдар бойы жұмыс істеген және оның дамуына үлес қосқан педагогикалық еңбектің ардагерлері атына ерекше алғыс сөздер айтылды. Мейрамхананың жайлылығы, көз тартатын концерттік бағдарлама, мектеп директорлары үгіт бригадасының өнер көрсетуі мерекені қызықты және есте қаларлықтай етті.
Байланыс телефондары
