Қарағанды қаласы білім бөлімінің бастамасымен 2016 жылғы 21-22 қаңтар аралығында №83 және 32 орта мектептерінде білім беру ұйымдары оқушыларының «Мен азаматпын» атты жыл сайынғы қалалық әлеуметтік жобалар байқауы өткізілді.
Байқау оқушылардың зерттеу қабілеттерін дамыту, қаланың әлеуметтік маңызы бар мәселелерін зерттеу барысында оқушылардың белсенді азаматтық ұстанымдарын қалыптастыру, сонымен қатар оқушы жастардың бастамаларын қолдау мақсатында ұйымдастырылды.
Байқау кезінде 40 астам білім ұйымдарының оқушылары түрлі тақырыптық бағыттарда әлеуметтік жобаларды ұсынды. Олар қаланы абаттандыру, Қарағандыда жаңа әлеуметті маңызы бар объектілерді салу, тұрғындарға медициналық қызмет көрсету сапасын арттыру, қала экологиясын жақсарту, волонтерлер қозғалысын дамыту және басқа тақырыптарды қамтыды.
Байқаудың қорытындысы бойынша жүлделі орындарға ие болғандар: 1 орын - №97 гимназия, №20 НМ; 2 орын - №38 гимназия, №13 НМ; 3 орын - №57 мектеп-лицей, №9 гимназия.
