Қарағанды қаласының білім бөлімі Қарағанды қаласының төтенше жағдайлар жөніндегі Басқармасымен бірлесіп, 2014 жылдың маусым айынан бастап мектепішілік және бейіндік лагерьлерге қатысып жүрген балалар үшін қауіпсіздік техника жөнінде алдын ала ісшараларды ұйымдастыру бойынша жұмыс атқаруда.
Ағымдағы жылдың 03 шілде күні №74 орта мектебінде кезекті алдын ала ісшарасы ұйымдастырылып, 100-ден астам бала қамтылды.
Ісшара барысында төтенше жағдайлар Басқармасының қызметкерлері, судан құтқару қызметінің мамандары, сонымен қатар Қызыл ай қоғамының өкілдері балаларға суда жүру ережелерін түсіндіріп, зардап шеккен жағдайда алғашқы көмек көрсету тәсілдерімен таныстырды.
Ісшара соңында балалармен ойын викториналар мен байқаулар өткізіліп, суда жүру ережелері туралы мультфильм көрсетілді.
