Қарағанды қаласы білім бөлімінің бастамасымен 2014 жылғы 02 маусымда қаладағы білім беру ұйымдарында мектепішілік және бейіндік лагерлердің салтанатты ашылуы өткізілді.
Балалармен және жасөспірімдермен жазғы уақытта жұмыс жасаудың мақсаты олардың демалу, сауығу, бос уақыттарын ұйымдастыру үшін тиімді шарттарды жасау, құқық бұзушылықтың алдын алу, балалардың арасында салауатты өмір салтын насихаттау болып табылады.
Ағымдағы жылдың жазғы айларында тамақтандырумен жасалған мектепішілік лагерьлерде, балалардың күндіз болуымен ұйымдастырылған жаз алаңдарында 30 мыңнан астам оқушылардың демалысы ұйымдастырылады.
Мектепішілік лагерьлердің бағдарламасына әр түрлі ісшаралардың өткізілуі, олардың ішінде шығармашылық және музыкалық конкурстар, қаланың мәдени-сауықтыру орталықтарына бару, демалыс орындарына, саябақтарға, кинотеартларға, хайуанаттар бағына экскурсиялар және басқалары енгізілді.
Сонымен қатар, қалалық білім бөлімінің бастамасымен балалар мен жасөспірімдердің жазғы демалысын, сауықтыруын және бос уақытын ең үздік ұйымдастыру бойынша, мектеп алаңын абаттандыру және жасылдандыру жөніндегі «Жасыл алаң» дәстүрлі қалалық байқаулары өткізіледі
Contacts
