Қазақстан Республикасының Тәуелсіздік Күнін тойлау қарсаңында, 2013 жылы 13 желтоқсанда қала әкімі М.А.Смағұлов «Бақыт» балабақшасын аралады.
«Балапан» мемлекеттік бағдарламасын жүзеге асыру аясында, «Бақыт» балабақшасы ғимаратында, бұрын кәмелетке толмағандардың бейімделу орталығы болған бөлігі босатылып, бүгінгі күні 120 қосымша орын ашылды.
«Бақыт» балабақшасы күрделі жөндеу жұмыстары жүргізілген соң, жарық әрі заманауи кейіпте.
4 жаңа топ ашылды. Материалдық-техникалық қор өзгертіліп, жаңа жиһаздар, ойыншықтар, оқу құралдары алынып, музыка және дене шынықтыру залдары жаңартылды.
Әкім мерекелік концертке қатысып, балалар мен ата-аналарды мерекемен құттықтап, балабақшаға интерактивті тақта сыйлады.
