Сәлеметсіз бе , құрметті ата-ана ! Бұл мұғалім бірінші сыныптан бері осы сыныпта ағылшын тілінен сабақ беріп келеді.Осыған дейін ешбір ата-ана тарапынан мұғалімнің жұмысына қанағаттанбай немесе орыс тілінде сөйлегендіктен баласы түсінбей жүр деген шағым болған жоқ. Мектептегі барлық басқа сабақтар , тәрбиелік іс-шаралардың барлығы қазақ тілінде жүргізіледі. Егер нақты сіздің балаңыз сол пәннен орыс тілінде жүргендіктен түсінбей жүрген болса , пән мұғалімі тарапынан да ескерту болу керек еді ғой. Келесі жылы балалар орыс тілін оқиды , сонда орысша оқығымыз келмейді демейсіздер ғой. Елбасымыздың үштілділік туралы саясатын жүзеге асыру мектептің бастауыш сыныптарынан бастап жүргізілетіндіктен ағылшын тілін оқу- әр қазақстандық бала үшін міндет.Ал ағылышын тілі мұғалімі біліктілігі жоғары ,жоғарғы санатты мұғалім әрі баламен жұмыс істеу әдіс-тәсілдері өте қызықты ,баланың санасына жететіндей көбінесе сабақтарын ойын түрінде , әр сабағын ақпаратты технологияны пайдалану арқылы жүргізетіндіктен балаларға да қызықты , әрі түсінікті .Оның үстіне осы топтағы оқушылардың барлығы дерлік «4» пен «5» -ке үлгеріп отыр. Сондықтан ағылшын тілін оқыту қандай ұлт өкілінің болса да құзырлығында деп ойлаймыз. Ол сабақта қазақша сөйлеу міндет емес қой.
