Қарағанды қаласы №17 ЖББМ
жұмыскерлері үшін 2023-2024оқу жылына ішкі еңбек тәртібінің
Е Р Е Ж Е Л Е Р І
31.08.2023ж.ұжымның жалпы
жиналысында қабылданды
1.ЖАЛПЫ ЕРЕЖЕЛЕР:
- Қазақстан Республикасының Конституциясына сәйкес, еңбек тәртібін сақтаған кезде, азаматтардың еңбек етуге құқықтары бар.
- Еңбек тәртібі - еңбек тәртібін қатаң сақтау, өз жұмысыңа шығармашылықпен қарау, жоғары сапаны қамтамасыз ету, жұмыс уақытын тиімді пайдалану.
- Осы ішкі тәртіптің ережелері 2023ж. 01 қыркүйегінен бастап күшіне енеді, еңбек тәртібі бойынша мектеп екі ауысымда бес күн жұмыс істейді
І – ауысым – 8.00-ден 14.05-кедейін
ІІ – ауысым – 14.15-тен 20.05-кедейін
Бөлмелерді сапалы түрде тазарту үшін ауысымдар арасында 10-35 минут үзіліс.
- Мектептің ішкі тәртібіне байланысты мәселелер мектептің кәсіподақ ұйымымен бірге шешіледі.
2.ЖҰМЫСКЕРЛЕРДІ ЖҰМЫСҚА ҚАБЫЛДАУ, АУЫСТЫРУ ЖӘНЕ ЖҰМЫСТАН БОСАТУ ТӘРТІБІ:
1.2022ж.19 тамызынан №581 бұйрық негізінде Мемлекеттікбілім беру ұйымдарының бірінші басшылары мен педагогтерін лауазымға тағайындау, лауазымнан босату қағидаларын бекіту туралы( конкурс арқылы);
- ҚР Еңбек Кодексіне сәйкес (2015ж. 23 қарашасынан) мектеп директорымен еңбек келісім-шартын жасау арқылы жұмыскер еңбек ету үшін өз құқығын жүзеге асырады.
- «ҚР Еңбек Кодексінің» 30,34,36баптарына сәйкес жұмысқа қабылдау кезде еңбек кітапшасы, жеке бас куәлігі, медициналық кітапшасы, біліктілік категориясы туралы куәлік, алған білімі жөнінде құжат, қарым-қатынас жөніндегі зейнетақы келісім-шарты қабылданады.
- Жұмысқа қабылдау мектеп бойынша бұйрықпен ресімделеді және еңбек келісім-шарты жасалады.
- Жұмысқа қабылданған кезде жұмыскерге құқықтары мен міндеттері түсіндіріледі, қызметтік нұсқауға сәйкес лауазымдық міндеттері жасалады.
- Жұмысқа жаңа келген қызметкер ішкі тәртіп ережесімен танысады.
- Жұмыскерлер мен қызметкерлерге еңбек кітапшасы ресімделіп, жеке еңбек шарты құрастырылады.
- Мектептің әр қызметкеріне жеке іс басталады. Ол мектепте сақталады және жыл сайын қайта қарастырылады. Жұмыстан босатқан кезде жеке іс мұрағатта қалады.
- Еңбек келісімшарты ҚР Еңбек Кодексінің49, 50 баптарына келісті бұзылады, штатты қысқартқан кезде жұмыскерлер екі ай бұрын ескертіледі.
- Еңбек келісімшарттың бұзылуымектеп бойынша бұйрық арқылы рәсімделеді.
- Жұмыстан босатылған күні Заңның келісті бабына сілтеме жазыла отырып еңбек кітапшасы беріледі.Жұмыс істеген соңғы күн жұмыстан босатылған күн болып есептеледі
3.ЖҰМЫСКЕРЛЕРДІҢ НЕГІЗГІ МІНДЕТТЕРІмен ҚҰҚЫҚТАРЫ:
1.Мектеп жұмыскерлері құқылы:
- ҚР Еңбек Кодексімен қарастырылған ережелерге сәйкес еңбек келісімшартын жасауға, өзгертуге, толықтыруға және бұзуға;
- жұмыс берушіден еңбек келісімшартының, ұжымдық келісімшарттың ережелерін сақтауды талап етуге;
- қауіпсіздік пен еңбекті қорғауға;
- еңбек шарты мен еңбекті қорғау туралы толық және шынайы ақпарат алуға;
- еңбек, ұжымдық келісімшарттарға сәйкес уақытылы және толық еңбекақы алуға;
- демалысқа, оның ішінде жыл сайынғы төленетін еңбек демалысына;
- бірлестіктерге, сонымен қатар, Қазақстан Республикасының заңымен қарастырылмаған болса, өзінің еңбек құқықтарын қорғауға кәсіподақ құруға және оған мүше болуға;
- өз өкілдері арқылы ұжымдық келісімсөздерге және ұжымдық келісімшарт жобаларын жасауға қатысуға, сонымен қатар қол қойылған ұжымдық келісімшартпен танысуға;
- осы Кодекспен қарастырылған ережеге сәйкес қайта даярлаудан өтуге, кәсіби дайындыққа және біліктілігін арттыруға;
- еңбек міндеттерін атқару барысында денсаулығына тиген зиянның орнын толтыруға;
- Қазақстан Республикасының заңымен қарастырылған міндетті сақтандыруларға;
- кепілді және компенсациялық төлемдерге;
- өз құқықтары мен заңды көзқарастарын қорғауға;
- ешбір дискриминациясыз тең еңбек үшін тең төлемақыға;
- қалауы бойынша сотқа, келістіруші комиссияға шағымдануға;
- қауіпсіздік және еңбекті қорғау талаптарына сәйкес жабдықталған жұмыс орнына;
- Қазақстан Республикасының қауіпсіздік және еңбекті қорғау туралы заңдарында, еңбек және ұжымдық келісімшарт талаптарына сәйкес жеке және ұжымдық қорғаныс заттарына, арнайы киімдерге;
- біліктілігіне, еңбектің ауырлығына, атқарылған жұмыстың көлемі мен сапасына және еңбектің шартына байланысты төлемақыға;
- Еңбек етуші міндетті:
- еңбек, ұжымдық келісімшарттарға, жұмыс берушінің актілеріне сәйкес еңбек міндеттерін атқаруға;
- еңбек тәртібін сақтауға;
- қауіпсіздік және еңбекті қорғау, өрт қауіпсіздігі мен жұмыс орнындағы еңбек санитариясының талаптарын сақтауға;
- жұмыс беруші мен басқа жұмыскерлердің мүлкіне ұқыпты қарауға;
- адамдардың өміріне, денсаулығына, жұмыс беруші мен жұмыскерлердің мүлкіне қауіп төндіретін жағдайлар туралы хабар беруге;
- осы Кодексте көрсетілген мөлшерде жұмыс берушіге келтірілген нұқсанның орнын толтыруға.
- Сабақ және мектептен тыс шараларды өткізу кезінде педагогикалық қызметкерлер балалардың өмірі мен денсаулығы үшін толық жауапты.Жарақат болған кезде мектеп әкімшілігіне жедел хабарланып отырылсын.
- Жұмыскерлердің негізгі міндеттері мектеп жарғысы, ұжымдық келісімшарт, жұмыскер мен әкімшіліктің арасындағы еңбек келісімшартымен анықталады.
4. ӘКІМШІЛІКТІҢ НЕГІЗГІ МІНДЕТТЕРІ:
1. Жұмыс беруші құқылы:
- жұмысқа қабылдау барысында таңдау еркіндігіне;
- осы Кодекспен қарастырылған ережелерге сәйкес жұмыскерлермен еңбек келісімшартын бұзуға, өзгертуге, толықтыруға;
- өз өкілеттігіне қарай жұмыс берушінің актісін шығаруға;
- жұмыскерлерден еңбек, ұжымдық келісімшартын, еңбек тәртібінің ержелері мен қызметтік нұсқаулықты орындауды талап етуге;
- жұмыскерлерді көтермелеуге, сөгіс жариялауға, осы Кодекспен қарастырылған ережелерге сәйкес материалдық жауапкершілікке тартуға;
- еңбек міндеттерін атқару барысында жұмыскердің келтірген нұқсанын толықтыруға;
- еңбек саласындағы өз құқықтары мен мүдделерін қорғау мақсатында сотқа шағымдануға;
- жұмыскерге сынақ мерзімін тағайындауға.
2. Жұмыс беруші міндетті:
- Қазақстан Республикасының еңбек заңнамаларының, келісімшарттардың, ұжымдық, еңбек келісімшарттарының, өзі шығарған актілердің талаптарын сақтауға;
- жұмысқа қабылдау барысында осы Кодекстің ережелерінде көрсетілген шарттарға сәйкес жұмыскерлермен еңбек келісімшарттарын жасауға;
- қауіпсіздік және еңбекті қорғау бойынша ішкі бақылауды жүзеге асыруға;
- жұмыскерге еңбек келісімшартында көрсетілген жұмысты беруге;
- жұмыскерге уақытылы, толық мөлшерде еңбекақы және Қазақстан Республикасының нормативті құқықтық актілерінде, еңбек, ұжымдық келісімшарттарда, жұмыс берушінің актісінде қарастырылған басқа да төлемдерді төлеуге;
- жұмыскерді жұмыс берушінің актісімен, ұжымдық келісімшартпен таныстыруға;
- ұжымдық келіссөздер жүргізу, ұжымдық келісімшарттарды жасау үшін жұмыскерлердің өкілдеріне толық және шынайы ақпарттарды беруге;
- Қазақстан Республикасының еңбек заңнамасына, еңбек, ұжымдық келісімшарттарға сәйкес жұмыс жағдайымен қамтамасыз етуге;
- өз есебінен жұмыскерлерді қажетті құрал-жабдықтармен, техникалық құжаттармен және еңбекке қажетті басқа да заттармен қамтамасыз етуге;
- мемлекеттік еңбек инспекторларының ұйғарымдарын орындауға;
- жұмыскерлерді міндетті әлеуметтік сақтандыруға;
- жұмыскерге жыл сайынғы төленетін еңбек демалысын беруге;
- жұмыскерлердің еңбегін дәлелдейтін құжаттар мен олардың зейнетақы шотына ақша аударылғаны жөніндегі құжаттарды сақтауға және мемлекеттік мұрағатқа беруге;
- жұмыс уақытын және үстеме жұмыс уақытын есепке алуға;
- осы Кодекске сәйкес жұмыскерлердің кәсіби даярлығын арттыруды, қайта даярлануын қамтамасыз етуге;
- Қазақстан Республикасының заңнамасына сәйкес жұмыскердің денсаулығы мен өміріне келтірілген нұқсанды толтыруға;
- еңбек бойынша өкілетті органдардың және өкілетті мемлекеттік органдардың аймақтық бөлімшелерінің тұлғаларын, жұмыскерлердің өкілдерін, еңбекті қорғау бойынша инспекторларды мекемелердегі еңбек қауіпсіздігін, жағдайын, Қазақстан Республикасының еңбек қауіпсіздігі мен еңбекті қорғау заңнамаларының сақталуын бақылау үшін, сонымен қатар өндірістегі қайғылы оқиғалар мен кәсіби ауруларды тексеру үшін бөгетсіз кіргізуге;
- осы Кодекстің 31 бабына сәйкес еңбек келісімшартына отыру үшін жұмысқа қабылдау барысында қажетті құжаттарды талап етуге;
- оқушыларды, тәрбиеленушілерді, олардың ата-аналарын немесе заңды өкілдерін, мектеп қызметкерлерін мектептің Ішкі тәртіп ережелерімен таныстыруға;
- жұмыс беруші «Қазақстан Республикасының Еңбек туралы» Кодексімен қарастырылған басқа да міндеттерді атқарады, құқықтарға ие.
5.АТА-АНАЛАРДЫҢ және ОЛАРДЫ АЛМАСТЫРУШЫ ТҰЛҒАЛАРДЫҢ НЕГІЗГІ ҚҰҚЫҚТАРЫ мен МІНДЕТТЕРІ:
1. Ата-аналар және кәмелетке толмаған балалардың заңды өкілдері құқылы:
- ата-аналар комитеті арқылы білім мекемелерін басқарушы органдардың жұмысына қатысуға;
- өз балаларының оқу үлгерімі, тәртібі, оқу жағдайы туралы білім мекемесінен ақпарат алуға;
- өз балаларын тәрбиелеу мен оқытудағы проблемалар бойынша психолог-медик-педагогтік кеңестерден кеңес алуға;
- келісім негізінде балаларының қосымша қызмет алуына;
2. Ата-аналар және кәмелетке толмаған балалардың заңды өкілдері міндетті:
- балалардың өмірі мен оқуына салауатты және қауіпсіз жағдай жасауға, олардың интеллектік және физикалық дамуын қамтамасыз етуге, рухани дамытуға;
- мектепалды даярлықты қамтамасыз етуге және одан әрі баланы жалпы білім беретін мектепке орналастыруға;
- білім мекемесі белгілеген жарғының ережелерін орындауға;
- балалардың сабаққа қатысуын қамтамасыз етуге.
6. ОҚУШЫЛАРДЫҢ НЕГІЗГІ ҚҰҚЫҚТАРЫ мен МІНДЕТТЕРІ:
1. Оқушылар мен тәрбиеленушілер құқылы:
- жалпыға бірдей міндетті мемлекеттік білім стандартына сәйкес сапалы білім алуға;
- білім мекемесі кеңесінің шешімі бойынша жалпыға міндетті мемлекеттік білім стандарты шеңберінде жеке оқу жоспарлары, қысқартылған жалпы білім беру бағдарламалары бойынша оқуға;
- оқу жоспарларына сәйкес курстар таңдауға;
- өз бейіндеріне қарай қосымша ақылы білім алуға;
- білім мекемесін басқаруға қатысуға;
- білім мекемесінде ақпарат ресурстарын тегін қолдануға, оқулықпен, оқу-әдістемелік кешендермен, оқу-әдістемелік құралдармен қамтамасыз етілуге;
- спорт, оқу, жиын залдарын, компьютерлік сыныптарды, кітапхананы тегін пайдалануға;
- Қазақстан Республикасының заңнамасына сәйкес халықтың жұмыспен қамтылуы саласындағы ақпаратты алуға;
- өз ойы мен көзқарастарын еркін білдіруге;
- өзінің адамдық абыройын сыйлауға;
- оқудағы жетістіктері, ғылыми және шығармашылық жұмыстары үшін көтермеленуге;
- Барлық білім мекемелерінің күндізгі бөлім оқушылары мен тәрбиеленушілері мекеменің меншік түріне және ведомствалық бағыныштылығына қарамастан құқылы:
- жергілікті билік органдарының шешімі бойынша қоғамдық көліктерде жеңілдікпен жүруге (таксиден басқа);
- Қазақстан Республикасының заңнамасына сәйкес жекелеген категорияға жататын оқушылар жеңілдіктерге ие.
2. Оқушылар мен тәрбиеленушілер міндетті:
- оқушылар мен тәрбиеленушілер мемлекеттік жалпыға міндетті білім стандартының талаптарына сәйкес білім, білік, тәжірибелік дағдылар мен құзыреттіліктерді игеруге, ішкі тәртіп ережелерін сақтауға, мектеп Жарғысымен және білім қызметін көрсету келісімшартында көрсетілген басқа да талаптарды сақтауға.
- оқушылар мен тәрбиеленушілер өз денсаулығын сақтауға, рухани және физикалық дамуға талпынуға міндетті.
- оқушылар білім мекемесінде анықталған мектеп формасын киюге міндетті.
- оқушылар мен тәрбиеленушілер педагог қызметкердің ар-намысын сыйлауға, өздері оқитын білім мекемесінің дәстүрлерін сақтауға міндетті.
- міндеттерін орындамағаны үшін оқушылар ішкі тәртіп ережелерінде және мектеп Жарғысында немесе білім беру келісімшартында көрсетілген басқа да ережелерге сәйкес тәртіптік жазаға тартылуы мүмкін.
7.ЖҰМЫС УАҚЫТЫ ЖӘНЕ ОНЫ ПАЙДАЛАНУ:
Мектепте бес күндік жұмыс аптасы орнатылған. Жұмыс уақыты мектеп кестесі, Жарғы және лауазымдық міндеттермен белгіленеді.
Кәсіподақ ұйымының келісімімен мектеп директоры жұмыскердің оқу жүктемесін орнатады. Бұл жүктеме біржарым еңбек ақы мөлшерден аспау керек, тек өндірістік қажеттілікпен ғана асуы мүмкін. Ал еңбек ақы мөлшерінің толық болмауы жұмыскермен келіскен жағдайда бекітіледі. Оқу жылы бойы жүктеме мөлшері тұрақты болу керек.
Мұғалімнің жұмыс уақытын үнемдей отырып, мектеп әкімшілігі сабақ кестесін құрастырып бекітеді.
Тех.персоналдың жұмыс уақытының ұзақтылығы ауысым кестесімен белгіленеді және әкімшілікпен бекітіледі,керекті жағдайларда ғана кәсіподақ ұйымымен келісе отырып қарастырылады.
Жүкті әйелдер кезекшілікке қойылмайды. Жұмыскермен келісе отырып демалыс күндері жұмысқа шақыруға болады.
Еңбек демалысымен сәйкес келмейтін каникул кездері де,жүктеме көлемінде, жұмыс уақыты болып саналады.
Жалпы кеңестер қажеттілікке байланысты, бірақ жылында екі реттен кем болмай өткізіледі. Пед.кеңестің отырыстары мектеп жоспарымен, бірақ 4-6 реттен жиіболмай өткізіледі.
Жалпы ата-аналар жиналыстары жылына 4 реттен кем болмай өткізіледі.
8. ЖҰМЫСТАҒЫ ТАБЫСТАРЫ ҮШІН КӨТЕРМЕЛЕУ:
Еңбек міндеттерін үлгілі орындағаны, балаларды оқытуда және тәрбиелеудегі жетістіктері, ұзаққа созылған және мінсіз жұмысы, еңбектегі жаңашылдық пен жұмыстағы басқа да жетістіктеріүшін мына көтермелеулер қолданылады:
а) мектеп, қалалық білім бөлімі мен білім басқармасыбойынша алғыс жариялау;
ә) сыйақыберу.
Еңбекке ынталандыруға көтермелеу шараларын қолдануда материалдық және моральдық жағдайлар қамтамасыз етіледі.Көтермелеулер жарияланады және еңбек кітапшасына енгізіледі.
9.ЕҢБЕК ТӘРТІБІН БҰЗҒАНЫ ҮШІН ЖАУАПКЕРШІЛІК:
Еңбек тәртібін бұзғаны үшін мектеп әкімшілігі ҚР Еңбек Кодексінің64,65,66-баптарына сәйкес келесі тәртіптік жазаларды қолданады:
а) ескерту жасау;
б) сөгіс беру;
в) қатаң сөгіс жариялау.
г) ҚР Еңбек Кодексінің 56-бабына сәйкес жұмыс берушінің ниеті бойынша еңбек келісімшартын бұзу
