«Сәкен Сейфуллин атындағы гимназиясы» КММ

“Толағай“ жазғы мектебінің бағдарламасы

А.Ж.Бейсенбекова

Түсінік хат

   Жазғы мектептегі сабақтар қашықтан білім алған білім алушылар үшін ерекше маңызды. Жазғы мектеп жағдайында үлгерімі төмен білім алушыларға күрделі пәндерді (күрделі тақырыптарды) игеруге көмектесу маңызды.

   «Сәкен Сейфуллин атындағы гимназиясы» КММ базасында  білім сапасын арттыру және пандемия, шектеу шаралары кезеңінде жіберілген білімдегі олқылықтардың орнын толтыру мақсатында 1-8,10-сыныптарда білім алушылар үшін 2022 жылғы 26 мамырдан бастап 17 маусым аралығында «Толағай» жазғы мектебінде  оқыту ұйымдастырылып отыр. Бастауыш сыныптардан 60 оқушы, ал 5-8,10 сыныптардан 100 оқушы қамтуды жоспарланып отыр.

Жазғы мектептін өткізу қажеттігі келесі жайлардан туындап отыр:

• Балаларды жазғы уақытта іспен қамту, бос уақыттарын тиімді пайдалану мәселесі;
• Жазғы жағдайда оқу үрдісін жалғастыру;

Мақсаты: оқыту сапасын арттыру, білім алушылардың, оның ішінде үлгерімі төмен білім алушылардың біліміндегі олқылықтарды қалпына келтіру және білімін толықтыру.

Міндеттері:сауаттылықты, жазу каллиграфиясы мен оқу шапшаңдығын нығайту, пәнге деген қызығушылықтарын ояту.

 Жазғы мектептің оқу процесінде үлгерімі нашар білім алушыларға педагогикалық қолдау көрсету ұсынылады. Қажет болған жағдайда жеке сараланған тапсырмалар әзірлеу  ұсынылады.

 Сабаққа дайындық кезінде педагог оқу материалдары мен ресурстарын мұқият таңдап, білім алушылардың оқу пәндері бойынша біліміндегі олқылықтардың орнын толықтыруға деген қажеттіліктерін ескере отырып, сараланған тапсырмаларды әзірлеуі ұсынылады.

Білім алушылардың танымдық ынтасын арттыру мақсатында қосымша ойын-сауық материалдарын, тест тапсырмаларын, шығармашылық сипаттағы дидактикалық материалдарды, аудиовизуалды құралдарды (графика, аудио, бейнематериалдар), презентацияларды, сараланған оқу тапсырмаларын пайдалану ұсынылады.

  Негізгі пәндер бойынша сабақтар оқу жылының ең маңызды тақырыптарын қамтиды. Оқу материалының мазмұны оқу процесінде білім алушылардың ойлау процестерін дамытуға, ойластырылған шешімдер қабылдау, оларды дәлелдеу, ақпаратпен жұмыс істеу, талдау, салыстыру, қорытындылау біліктерін дамытуға бағытталуы тиіс.

  Сыни ойлауды дамытуға, функционалдық сауаттылықты қалыптастыруға, интерактивті оқыту әдістемелерін (жобалар әдісі, пікірталас, ойын, іздеу әдістері) қолдануға, таза ауада сабақтарды ұйымдастыруға бағытталған жағдаяттық міндеттерді пайдалану ұсынылады.

 Сабақ өткізу кезінде педагог:

– балалардың эмоционалдық көңіл-күйіне назар аударуы және оқуға қолдау көрсетуі;

– сабақта білім алушылардың шамадан тыс жүктемесіне жол бермеуі;

– қажет болған жағдайда, физикалық жаттығулар жасау.

Оқу пәндері бойынша сабақтың ұзақтығы – 45 минут, Үзіліс уақыты – 10 минут.

 күніне 3-4 сабақ. Оқу бес күндік жүйеде жүргізіледі.

• 1- 2 сыныптар 10.00-11.40
• 3-4 сыныптар 12.00-13.40
• 5-8,10 сыныптар 09.30-12.00

Жазғы мектеп білім алушыларының оқу жетістіктері бағаланбайды.

Жазғы мектеп жағдайында үй тапсырмасы берілмейді. Білім алушылардың сабаққа еркін формада қатысуына жол беріледі.

 Жазғы мектепте мектеп кітапханасына, цифрлық білім беру ресурстарына қолжетімділік қамтамасыз етіледі. Балалардың  оқу әдетін қалыптастыратын күнделікті 10-15 минуттық кітап оқу ұсынылады. Кітаптарды топтық талқылау, түсіну, талдау, салыстыру, қорытынды жасау арқылы оқу дағдыларын дамытуға ықпал етеді.

 Педагог-психологтер тарапынан  психологиялық тренингтер ұйымдастыруды жоспарлап отырмыз.   Оқу процесін жүзеге асыру үшін волонтер студенттерді тартуға рұқсат етіледі.

Жазғы мектеп   кезінде оқушылардың ерекшеліктері тоқсандық сапа көрсеткіші ескеріліп, ата-аналар тарапынан жазылған өтініш, оқушылардың талап-тілектері ескеріліп, пәндер таңдап алынды

Пән таңдау барысында кейбір сыныптарда жекелеген пәндер жаңадан қосылғаны, пәннің негізінің жаңадан қалануы назарға алынды.

Жазғы мектеп жұмысы барсында төмендегі талаптар ескеріледі:

• Оқыту кезінде білім алушылардың эмоциялық көңіл күйі назарда болады, педагог-психологтардың ата-аналармен және оқушылармен жеке консультациялары белсендіріледі.
• Таңдап алынған пәндер негізінде сабақ кестесі  және арнаулы қоңырау кестесі құрылып, бекітіледі.
• Оқу процесі барысында ішкі тәртіп ережелерінің орындалысын бақылау үшін кезекшілік кестесі құрылады.