Қазақ тілі мен әдебиеті пәнінің мұғалімі К.К.Садвакасованың ұйымдастыруымен гимназияда еліміздің Тәуелсіздігінің отыз жылдық мерекесі және Ыбырай Алтынсариннің туғанына 180 жыл толуына орай  ел дамуына зор үлес қосқан азаматтардың табысқа жету, еліміздің даму жолындағы жетістігін бүгінгі ұрпақпен бөлісу , жас ұрпаққа патриоттық тәрбие беру мақсатында облыстық «Өнегелі өмір» жобасы аясында  «Ұлт шамшырағы-Ыбырай Алтынсарин» тақырыбында кездесу болып  өтті. Кездесудің құрметті қонағы  «Өрлеу» БАҰО АҚ филиалы Қарағанды облысы бойынша педагогикалық қызметкерлердің біліктілігін арттыру институты, Әдіснама және педагогикалық инновация кафедрасының аға оқытушысы, Қазақстан Республикасы Білім беру ісінің үздігі, Мемлекеттік тіл саясатын одан әрі жетілдіру жөніндегі облыстық комиссия мүшесі Смағұлова  Ғазиза Ғабдоллақызы қатысып, «Ұстаз  берген  тәрбие  әрбір  жанның  өміріне  жол  сілтер  шамшырақ  секілді»,- деп Ыбырай атамыздың қазақ жастарын оқуға, ізгілікті, мейірімді, еңбекқор болуға, өз халқын сүюге шақырғандығы туралы ойларымен бөлісті. Кездесуді жүргізу барысында гимназиямыздың дарынды оқушысы,  пән бойынша олимпиадалар мен шахмат ойындарының жеңімпазы, гимназиямыздың қоғамдық істерінің белсенді қатысушысы Мейранбек Нұрзат апамызға сұрақтарын қойып, сұхбатта қатысушылар өте пайдалы, әрі тәрбиелік мәні бар мағлұматтар алды. 

Сәкен Сейфуллиннің  туғанына 127 жыл толуына орай, «Сәкен шығармалары - асыл мұра» тақырыбында облыстық «Өнегелі өмір» жобасы аясында сыр-сұхбат болып өтті.  Сұхбатқа еңбек ардагері Игенбеков Тұнғышбай Адилбаевич ағамыз қатысып, жас ұрпаққа алаш ардақтысы, ақын, жазушы, мемлекет және қоғам қайраткері, жырларымен қазақ жастарын білімді, зиялы, отаншыл, патриот болуға бағыттаған Сәкен Сейфуллиннің  шығармаларын терең зерделеп, тәлімі мол ойларымен бөлісіп, білім алушылардың  Сәкен шығармалары туралы білімдерінің шыңдалуына негіз болды.

Қазақ тілі мен әдебиеті пәнінің мұғалімі Б.К.Түсенованың ұйымдастыруымен  ел дамуына зор үлес қосқан азаматтардың табысқа жету, еліміздің даму жолындағы жетістігін бүгінгі ұрпақпен бөлісу , жас ұрпаққа рухани-адамгершілік, патриоттық тәрбие беру мақсатында облыстық «Өнегелі өмір» жобасы  аясында  «Отбасындағы әкенің рөлі» тақырыбында сыр-сұхбат болып өтті. Сұхбатқа ҚР«Білім беру ісінің құрметті қызметкері», Білім және ғылым министрлігінің  «Білім меценаты», Қазақстан халқы Ассамблеясының мүшесі, Қарағанды облыстық мәслихатының депутаты, «Рухани жаңғыру» бағдарламасының штаттан тыс кеңесшісі, кәсіпкер Алтынбеков Бекзат Қомарұлы қатысып, отбасындағы әкенің рөлі, отбасының ұйытқысы, бала жанының тірегі, панасы екені туралы ой бөлісіп, жоғары сынып ер балаларының қойған сұрақтарына  жауап берді.  Белсенділік танытып  қатысқан «Әкелер мектебі» академиясының мүшелері  шараның тәрбиелік мазмұндылығы мен маңыздылығы туралы пікірлер қалдырды.

Еліміздің Тәуелсіздігінің отыз жылдық мерекесі аясында ел дамуына зор үлес қосқан азаматтардың табысқа жету, еліміздің даму жолындағы жетістігін бүгінгі ұрпақпен бөлісу және болашағын бағдарлау , жас ұрпаққа патриоттық тәрбие беру мақсатында облыстық «Өнегелі өмір» жобасы аясында  «Сахара сұңқары-Сәкен» тақырыбындағы онлайн-кездесуге айтыскер ақын, Қазақстанның еңбек сіңірген қайраткері, филология ғылымдарының докторы, профессор Аманжол Әлтай қатысып, Алаш ардақтысы,ақын, жазушы, мемлекет және қоғам қайраткері, қазақ әдебиетінің негізін салушы, жерлесіміз Сәкен Сейфуллиннің туғанына 127 жыл толуына орай  өз шығармаларымен қазақ әдебиетін байытып, жырларымен қазақ жастарын білімді, зиялы, отаншыл, патриот болуға бағыттаған Сәкен Сейфуллиннің шығармашылығы, адами қасиеті, күрескерлік еңбегі, азаматтық болмысы туралы өз ойымен бөлісіп, тағылымды, мазмұнды сұхбат барысында жырдан шашу тарту етті.

Облыстық  «Өнегелі өмір» жобасы аясында   «Тәуелсіздік –ел тілегі!» тақырыбында  этнограф, өлкетанушы «Арқа Мұрасы» ғылыми-ізденушілік  орталығының  директоры, Қарағанды облысының Бейнелеу өнері мұражайының экспедицияларды ұйымдастыру бойынша директор орынбасары Аршабеков Темірғали Тлеубековичпен онлайн кездесуді «Мұражайым - руханият бесігім» этномұражайының жетекшісі: Гаухар Мейрамовна Шалмағамбетова ұйымдастырып, шақырылған қонақ тәуелсіздіктің тарихи құндылығы мен қоса ,  30  жылда жеткен жетістіктерге баса назар аудартып,  қатысқан 10 «А» сынып оқушылары  болашақтағы мамандықтарын тиімді  әрі, сұранысқа сай  таңдауға әсер ететін себептерге  және   өлкетануға байланысты өз сұрақтарын қойып, өз болашақтарына деген мақсаттарын айқындай түсті.

Еліміздің Тәуелсіздігінің отыз жылдық мерекесі аясында ел дамуына зор үлес қосқан азаматтардың табысқа жету тарихына  мән беру арқылы еліміздің даму жолындағы жетістігін бүгінгі ұрпақпен бөлісу және болашағын бағдарлау мақсатында  қазақ тілі мен әдебиеті пәнінің мұғалімі Ж.Ж.Намазбаеваның ұйымдастыруымен  «Ұлы ұстаз өнегесі» тақырыбында  онлайн  сұхбат болып өтті. Өнегелі өмір жобасы аясында  және  Қарттар Күні  мерекесі қарсаңында  өткен  бұл сұхбатқа «ҚР білім саласының үздігі», «Ерен еңбегі үшін» медальдарымен  марапатталған,   техника ғылымдарының  кандидаты, профессор, педагогика саласының еңбек ардагері,  ұлағатты ұстаз, ғалым  Қонтаев Сәбит Сейітұлы қатысып, гимназия ұстаздарын мерекемен құттықтап,  қатысқан  8«А», 11 «А» сынып оқушыларына болашақ еліміздің тұтқасын ұстар азамат ретінде өз орындарын таба білуге бағытталған  және кәсіби бағыт-бағдар беруде  өте пайдалы, тәрбиелік мәні бар мағлұматтар мен ақыл-кеңестерін ұсынды.

Қазақстан Республикасы Тәуелсіздігінің 30 жылдық  мерейтойы аясында  «Тәуелсіздік жылдарындағы жеткен жетістігіміз және ел болашағы»  тақырыбында облыстық «Өнегелі өмір» жобасы негізінде  Zoom тікелей эфирі арқылы  Тарих пәнінің мұғалімі А.А.Тусипхановтың ұйымдастыруымен онлайн кездесу болып өтті. Кездесуге шақырылған қонақтар академик Е.А.Бөкетов атындағы Қарағанды университеті, «Тұлғатану» ғылыми-зерттеу орталығының директоры, тарих ғылымдарының кандидаты, доцент  Бейсенбекова Нұрсахан Ахметовна  және тарих магистрі, тарих факультеті деканының ғылыми жұмыстар жөніндегі орынбасары Смағұлов Нұртас Бірлікұлы  сыр-сұхбат  барысында жас өскелең ұрпақпен тәуелсіздіктің тарихи құндылығын, тәуелсіздік жылдарында жеткен жетістіктеріміз бен болашағымыз туралы ой бөлісіп, жоғары сынып оқушыларына ел үшін еңбектену, білімді болуға қол жеткізу, тәуелсіздікті ұстап тұру үшін күресу  жас ұрпақтың еншісінде екендігі туралы ой қозғап, оқушылардың қойған сұрақтарына  тәлімі мен тағылымы мол,  мазмұнды жауаптар қайырды.

Серғазы Мыңжасар ұлымен онлайн кездесу

Облыстық өнегелі өмір жобасының кезекті сұхбаты спорт саласына, салауатты өмір салтын насихаттауға  арналады.  «Дені сау ұрпақ – ұлт болашағы» тақырыбындағы ойын өрбітіп, спорт саласындағы  жетістіктерімен, өнеге-үлгісімен, өмірлік тәжірибесімен бөлісетін  Е.А.Бөкетов атындағы Қарағанды Мемлекеттік Университетінің дене мәдениеті ілімі мен әдістемесі және спорттық медицина кафедрасының меңгерушісі, педагогика ғылымдарының кандидаты, ассоцирлік профессор ғылыми дәреже иегері, Қазақ  күрес және Самбо күрестен ҚР спорт шебері, АДС Джиу-Джитсу күресінен ҚР спорт шебері , 1дан қара белдік иегері  Бөжиг Жанболат. Сұхбат алаңында  қонақпен ой бөлісіп, жас ұрпаққа дене тәрбиесінің адамның денсаулығын нығайтудың бірден-бір жолы екенін айғақтайтын дене тәрбиесі пәнінің мұғалімі Трайкен Айдана Нұржанқызы.

Облыстық өнегелі өмір жобасын жүзеге асыру аясында «Рухани жаңғыру – еліміздің жарқын болашағы» тақырыбында гимназияның оқу процесіне қатысушыларымен  өзінің ойымен, өмір-өнегесімен, кәсіби сырларымен бөлісетін  айтыскер ақын, филология ғылымдарының кандидаты, доцент Айтбай Ботпайұлы Жұмағұловпен  жас маман, музыка пәнінің мұғалімі Аманкельдинова Ақнұр Қанатбековна сұхбат алаңында  ой бөлісетін болады.

"ХХІ ғасырдың таңдаулы мамандықтары" тақырыбында 10-11сынып оқушылары мен ата-аналары үшін онлайн конференциясы 

"ГРАНД" білім беру орталығының директоры Несіпбаев Дәурен мырзамен "ХХІ ғасырдың таңдаулы мамандықтары" тақырыбында 10-11сынып оқушылары мен ата-аналары үшін онлайн конференция өтті.  Оқушылар мен ата-аналар үшін пайдалы кеңестер айтылды. Оқушыларға мамандық таңдауда олардың негізгі түрлері, классификация белгілері, мамандық тобы, таңдау әдістері туралы білімдерін, түсініктерін кеңейте отырып,  мамандықтарға деген ынта-ықыласын, қызығушылықтарын арттыру мақсатында 1 сағаттық конференция өте жақсы деңгейде өтті. Мамандық таңдау жасөспірім шақтағы ең маңызды шешімдердің бірі. Оқушылардың кәсіптік қалыптасуымен байланысты  өмір туралы, әлеуметтік құндылықтар туралы  танымдылығын арттыру, психологиялық-педагогикалық көмек болып табылады.

    «Өнегелі өмір»

жобасы аясындағы кездесу

Оқушылардың цифрлық сауаттылықтарын дамыту, болашақ мамандықты дұрыс таңдау мақсатында 15.01.2021 жылы гимназияның 10-сынып оқушылары Қарағанды қаласындағы «Шаг» Академиясы филиалының директоры Е.В.Барсуковамен кездесу өткізді.Оқушылар кездесу барысында Академияның ашылу тарихы, жұмыс барысы туралы ақпаратты тыңдап, IT технологиялардың болашақ мамандық таңдаудағы рөлі туралы, IT және стоматология, робот болашақта адамды алмастыра алама деген көкейкесті сұрақтар қойып,филиал директорының пікірін сұрап, қызығушылық танытты.

2020 -2021 оқу жылына арналған кәсіби  бағдар   беру  бойынша   

жұмыс  жоспары

Мақсаты:Оқушылардың мамандық таңдау үдерісіне тұлғаның қызығушылығы  мен қабілетін еңбек нарығындағы қажеттіліктерді ескере отырып оңтайландыру.

Міндеттері:

1. Оқытудың 7-11 сыныптарында қосымша бағдарламалар енгізу арқылы ерте жастан мамандық таңдауға оқушыларға біртіндеп бейіндік жүйелі жұмыстар жүргізу арқылы бағыт-бағдар беру.

2.  Жеке шарттар, кәсіби сынамалар, кәсіпорындарға саяхат жасау арқылыкәсіби білім беру мақсатында   жоғары оқу орындары, колледждер, кәсіпорындар арасындағы  әлеуметтік серіктестікті орнату;

3.Жетістік пен табысқа  жеткен тұлғалардың іс тәжірибесімен, бейнесімен  танысу арқылы жас ұрпаққа патриоттық тәрбие беру және кәсіби бағдар беруде  «Өнегелі өмір» жобасы аясындағы кездесулер, сұхбаттар, бірлескен шаралар ұйымдастыру;

4. Ерте жастан мамандық таңдау мақсатында оқытудың әр сатысында арнайы жобалар мен қосымшалар арқылы жұмысты ұйымдастыру;

1- 4 сынып :

-Оқушылардың оқу-танымдық қызығушылықтарын дамыту , еңбекке деген құнды ой пікірлерді қалыптастыру, мамандықтың қоғам және адам өміріндегі маңызын түсіну мақасатында шаралар ұйымдастыру;

5-7 сынып:

-оқушылардың жеке тұлға ретінде кәсіби қызметке деген қызығушылықтарының дамуы,әр алуан саладағы әлеуметтік  кәсіби тәжірибені алғашқы жетістіктері мен мүмкіндіктерін ашу мақсатында әлеуметтік және педагогикалық жобаларды енгізу,тәжірибемен бөлісу;

8-9 сынып

-білім саласындағы сұраныстарды қанағаттандыру, ерте жастан мамандық таңдуға бейімдеу, әлеуметтендіру мақсатында вариативтік курстар енгізу;

10-11 сынып:

-түлектерге мамандықты таңдауға дұрыс бағыт-бағдар беру, таңдаған қызмет түріне дайындық жасау мақсатында түрлі оқу орындары мен маман иелерімен нәтижелі жеке кездесулер мен кәсіпорындарға саяхаттар жасау;

 "Өнегелі өмір" жобасы аясында ерекше сұхбат болып өтті. Сұхбат тақырыбы: "Сабақтастық ізінде сүйікті кәсіп таңдау " Оқушыларға кәсіптік бағдар беру мақсатында ұйымдастырылған сұхбатқа гимназия түлектері, еліміздің алтын қорына енуге үміткер жастар, болашақтың тізгінін ұстаушылар, гимназия мақтаныштары  Төлегенов Али және Алжанов Алихан қатысты. 5 "А" сынып оқушыларымен сүйікті кәсіпті таңдау туралы,  табысқа жетудегі қадамдарымен, ойларымен бөлісті. Сұхбат соңы түлектердің тәлім алған ұстаздарына деген жылы лебіздерімен, алғыстарымен жалғасын тапты.