.Қарағанды қаласы «Сәкен Сейфуллин атындағы гимназиясы» КММ бойынша   «Зейін» қосымша білім беру жобасы  жұмысының барысы туралы

  «Функционалдық сауаттылық»  кеңінен алғанда, білім берудің (бірінші кезекте жалпы білім беруді) көп жоспарлы адамзат қызметімен байланысын біріктіретін тұлғаның әлеуметтік бағдарлану тәсілі ретінде түсіндіріледі. Қазіргі тез құбылмалы әлемде функционалдық сауаттылық адамдардың әлеуметтік, мәдени, саяси және экономикалық қызметтерге белсенді қатысуына, сондай-ақ өмір бойы білім алуына ықпал ететін базалық факторлардың біріне айналуда.

Жобаның іске асыру мерзімі: 2020-2025 оқу жылы

1. Дайындық кезеңі.       Қыркүйек – желтоқсан  2020 жыл.
2. Қалыптастырушы кезең.     Қаңтар 2021 жыл  - желтоқсан 2022 жыл
3. Қорытынды кезең.    Қаңтар  2023жыл  -   мамыр  2025 жыл

 Қалыптастырушы кезеңде төмендегі жұмыстар жүргізілді:

• TIMMS,  PISA, PIRLS,  ISILS   зерттеу тәжірибесін негізге ала отырып, оқушылардың функционалдық сауаттылығын дамытуға бағытталғын тапсырмалар базасын құру бағытындағы жұмыстар жүргізілуде.  Пән мұғалімдеріне тапсырма беріліп, жұмыс жоспарлануда.   ББЖМ-ға дайындық мақсатында  4А,9А -сыныптарда сынама  тестілеу жүргізілді.
• Оқушылардың функционалдық сауаттылығын дамытуға және алған білімдерін  практикада қолдана білуге мүмкіндік беретін тиімді жұмыс тәсілдерін қолдану әдістемесі бойынша тәжірибе алмасу мақсатында педагог – шебер А.М.Акмагамбетова мен педагог – шебер К.С.Балапанова    шеберлік сыныптар,    педагог зерттеушілер  А.А.Тусипханов, педагог-зерттеуші К.М.Хасенова  шеберлік сағатын өткізді. 
•  Оқушылардың функционалдық сауаттылығын дамытуға және алған білімдерін  практикада қолдана білуге мүмкіндік беретін тиімді жұмыс тәсілдерін қолдану әдістемесі бойынша педагог – шебер А.М.Акмагамбетова мен педагог-зерттеуші  Н.Т.Жұмабекова  бірлескен   қалалық практикалық семинарда  тәжірибелерін ортаға салды.
• Мұғалімдерді функционалдық сауаттылық бойынша  ІІІ тоқсан барысында     әр жекелеген пән бойынша оқушылардың тоқсандық білім көрсеткіштерін анықтау, білім олқылықтарын анықтау, орнын толтыру жұмыстарын зерделеу  мақсатында 5-11-сынып бағдарламасына сай testter.kz  сайтында  аралық білімді бақылау  жүргізілді.

Бақылау мерзімі:  29.01.2022 ж. – 05.02.2022 жыл

Тест барысында әр сыныпқа жеке пәндер  таңдалып, сынама тест түрінде алынды. 5,10.11-сыныптар штаттық форматта тапсырса, 6-7-8-9- сыныптар  тестті  онлайн форматта қашықтықтан тапсырды.  өткізілген бағалау үзіктерінің нәтижелерімен таныстыру.

Сонымен қатар, ІІ –ІІІ тоқсан   барысында жекелеген сыныптарда      ( 7Ә,8Б, 6А,6Ә,6Б, 8А,8Ә,8Б- сыныптарда) бақылау үзіктері (тест түрінде, БЖБ  бақылауы түрінде)  алынды. Қорытындысы талданып, пән мұғалімдерімен талданды.

2022 жыл 18 қаңтар мен 24 сәуір аралығында жоспар бойынша функционалдық сауаттылықты қалыптастыруға арналған апталықтар өткізілді. «ХХІ ғасыр – сауатты ұрпақ ғасыры» атты  оқу сауаттылығы апталығы (18-23.01.2022 ж), «Математика айналамызда» атты математикалық сауаттылық апталығы (24-29.01.2022 жыл),  «Цифрлық әлем» атты ақпараттық   сауаттылық апталығы (01-06.02.2022 жыл), «Құқықтық навигатор» атты құқықтық сауаттылық апталығы (07-12.02.2022 жыл), «Қаржы әлемі» атты қаржы сауаттылығы апталығы, «Дені саудың жаны сау» атты  дене сауаттылығы  апталығы (21-26.02.2022 жыл)   жоспарланып өткізілді. Апталықтағы атқарылған жұмыстар туралытуралы ақпараттар  гимназия сайты мен әлеуметтік желіде көпшілік назарына ұсынылды.

         Сонымен функционалдық сауаттылық – адамның сыртқы ортамен қарым-қатынасқа т.се алу қабілеті және сол ортаға барынша тез бейімделе алуы мен қарым-қатынас жасай алу деңгейінің көрсеткіші.  Олай болса, функционалдық сауаттылық тұлғаның белгілі бір мәдени ортада өмір сүруі үшін қажетті деп саналатын және оның әлеуметтік қарым-қатынас жасауын қамтамасыз ететін білім, білік дағдыларыдың жиынтығынан құралады.

Сондықтан теория мен практиканың байланыста болуын  қамтамасыз ету үшін әрбір пән бойынша берілетін білімінің мазмұны мен көлемін анықтағанда теориялық қағидалардың, заңдылықтар мен ережелердің, яғни ұғымдық-ақпараттық материалдардың бала өмірінде кездесетін түрлі проблемалық мәселелерді шешуге көмегі тиетіндейй, бала оны қолдана алатындай практикалық маңызы  ескерілуі тиіс. Сондай-ақ оқушылардың оқу материалын тек жаттап қана  алмай, оның мән-мағынасын терең түсінуін қамтамасыз ету міндетті болып саналады.

Қорыта айтқанда,   бақылау үзігі нәтижесін саралай келе, алдағы  уақытта сапа көрсеткішін көтеру мақсатындағы жұмыс жалғасын таппақ. 

«Зейін» жобасын  жүзеге асыру жоспары

2020-2021 оқу жылы

Мақсаты:4, 5,6,7,8 сынып оқушыларының қоғамда толыққанды жұмыс істеуі үшін қажетті білім мен біліктерінің және функционалдық сауаттылық деңгейлерінің қаншалықты жеткілікті екендігін анықтау, осы жетістіктерге жету үшін мектепте және мектептен тыс білім беру мүмкіндіктерінің әсерін бағалау.

Жобаның міндеттері:

оқушылардың оқу, ғылыми-жаратылыстану, математикалық, компьютерлік және ақпараттық сауаттылық саласындағы функционалдық дағдыларын зерттеу аясында «Зейін» жобасының жұмыс жоспарын құру; PISA. TIMSS.PIRLS.ICILS және отандық  зерттеу тәжірибесіне негізделе отырып,оқушылардың функционалдық сауаттылығын дамытуға бағытталған тапсырмалар базасын құру және апробациялау; оқушылардың функционалдық сауаттылығын дамытуға және алған білімдерін практикада қолдана білуге мүмкіндік беретін беретін тиімді жұмыс тәсілдерін қолдану әдістемесі бойынша тәжірибе алмасу мақсатында шеберлік сыныптар (практикалық семинарлар) өткізу; жоба бойынша жұмысқа жетекші педагогтер мен мұғалімдерді, мектеп жаттықтырушыларын тарту.

Күтілетін нәтиже:

вариативтік  курстарды енгізу арқылы  функционалдық сауаттылықты қалыптастыруға ықпал жасау, білімді қалыптастыру, іскерлікті дамыту, меңгерілген дағдыларды еркін пайдалану, іс-әрекеттің әмбебап тәсілдерін дамыту, функционалдық мәселелерді шешу тәжірибесін қалыптастыру жағдайларын құру;