«Қазақстан – құқықтық мемлекет» тақырыбында айлықтық өткізілуі.

«Мағжан Жұмабаев атындағы №39 гимназия» КММ-де сыбайлас жемқорлыққа қарсы 07.11.2020-07.12.2020 аралығында «Қазақстан – құқықтық мемлекет» тақырыбында  айлықтық өткізілуі туралы

     07.11.2020ж Директордың тәрбие ісі жөніндегі орынбасарлары У.Кабдуахитовна мен А.Ибрайбекова сыбайлас жемқорлыққа қарсы          07.11-07.12 аралығында «Қазақстан – құқықтық мемлекет» тақырыбында  айлықтықтың жоспарын құрып бекітті. Өткізілген айлықтың мақсаты: Оқушылардың құқықтық білімін жетілдіру, құқықтық білім әр адамның ісі екенін ұғындыру. Ой-өрісін дамыту, белгілі бір пікір айтуға, тұжырым жасауға үйрету, есте сақтау қабілетін жетілдіріп, сөздік қорын молайту. Оқушылардың бойына құқықтық, патриоттық, адамгершілік тәрбиені сіңіру.

10 – сынып жетекшілері «Құқықтық мемлекет және азаматтық қоғам» тақырыбында дөңгелек үстел ұйымдастырып өткізді. Ұйымдастырылған дөңгелек үстелдің мақстаты: оқушыларға құқықтық мемлекет пен азаматтық қоғам жайлы жаңа тақырыпты меңгеру. Оқушыларды еңбекқорлыққа тәрбиелеу.

8-сыныптар арасында «Сыбайлас жемқорлықпен күрес – ортақ іс» тақырыбында пікірталас ұйымдастырып өткізді.

7 сыныптардың жетекшілері «Сыбайлас жемқорлыққа жол жоқ»  тақырыбында интеллектуалды ойын ұйымдастырып өткізді. Интеллектуалды ойын сабағының мақсаты: «Сыбайлас - жемқорлық» деген ұғымды түсіндіріп, пайда болу жағдайлары жайлы түсінік қалыптастыру. Өз көзқарастарын білдіріп, дүние танымдарын кеңейту. Өз ойларын еркін жеткізе білу қабідеттерін дамыту. Өз мемлекеттеріне жауапкершілікпен қарау және әділдікке тәрбиелеу. Патриоттық тәрбие қалыптасады. Интеллектуалды ойын пікірталас, сұрақ – жауап, видеоролик әдістерімен ұйымдастырылды. Оқушыларға сыбыайлас жемқорлық туралы түсінік беріліп, слайдпен жемқорлыққа байланысты мысалдар келтірілді. Интеллектуалды ойынды «Литмонтаж» арқылы бағалады.

6-сынып оқушылары арасында «Сыбайлас жемқорлыққа қарсы күрес» тақырыбында сайыс сабағын ұйымдастырып өткізді. Сайыс сабағының мақсаты: сыбайлас жемқорлық туралы түсінік беру. Заң алдындағы жауапкершілікті арттыру, ұйымшылдық пен тәртіптіліктің тиімді жолдарын таба білуге баулу. Оқушылардың өз құқықтарын қорғай білуге үйрету. Патриоттық тәрбиеге баулау.

5 «а», «ә» сынып жетекшілері «Біз сыбайлас жемқорлыққа қарсымыз» тақырыбында әңгіме сабағын ұйымдастырып өткізді.

Ал бастауыш сынып оқушылары арасында «Жемқорлықпен күресу» тақырыбында тәрбие сағат ұйымдастырып өткізді.

 «Заң барлығына ортақ» тақырыбында  өнеге сағаттары ұйымдастырып өткізді.

Сонымен қатар, 9 сынып оқушылары арасында «Адамгершілік адамның жоғары қасиеті» тақырыбында тәрбие сағатын ұйымдастырып өткізді. Тәрбие сағатының мақсаты: оқушы бойына кішіпейілдік, мейрімділік, ізеттілік, сабырлылық қасиеттерін қалыптастыру. Тәрбие сағат сыныптарды топқа бөліп сөйлемдерді жалғастыру, видео, құпия хаттарға жауап, сұрақ беру, постер құрау, рефлекция бөлімдерімен ұйымдастырылып өткізілді. Тәрбие сағатқа оқушылар белсене қатысты.