Ата-аналар мен оқушылар назарына!

Туберкулез- адам ағзасына туберкулез таяқшаларының енуінен пайда болатын жұқпалы ауру.

Туберкулез бактериялары адам ағзасына әртүрлі жолдармен ене алады, сондықтан сау адамдарды бұл жұқпадан алдын- алу мақсатында, сақтану жолдарын жетік білген жөн.

Туберкулез жұқпасының ең басты көзі туберкулез науқасы мен оның бөлетін қақырығы болып табылады. Қатты сөйлеу, түшкіру, әсіресе жөтелу кезінде ауыздан сілекейдің ұсақ, көзге көрінбейтін тамшылары ұшады. Сау адам жұқпасы бар ауамен тыныс  ала отырып, туберкулезге шалдығуы мүмкін.

Тазалықты сақтамайтын науқастың жерге немесе еденге түкірген қақырығы кепкеннен кейін ауаға көтеріле отырып, заттарға, киімдерге және қабырғаларға қонады. Микробтары бар шоң-тозаң ауамен   бірге өкпеге барып сау адамды сырқаттауы мүмкін.

Сау адам жұқпалы затпен тікелей жанасуы арқылы түберкулезді жұқтыру мумкін.

Сондай- ақ, туберкулезге шалдыққан жануарлар да туберкулез жұқпасының көзі бола алады. Ол әсіресе, ірі- мүйізді малдар арасында жиі кездеседі. Адамдар жүқпаны, көп жағдайда, малдардан сүт арқылы жұқтырады. Сондықтан, сүтті шикі күйінде емес, тек қайнатып алып немесе пастерленгеннен кейін ғана ішу керек.

Ауруды уақытылы анықтау үшін, туберкулезге күмән тудыратын белгілер байқалған мезетте, кідірместен дәрігерге қаралу қажет.Тұрғындардың барлығы туберкулез белгілері жайлы толық хабардар болулары керек және сол белгілер пайда болған жағдайда, денсаулығын тексеру мақсатында емханаға қаралулары керек.

Туберкулездің ең алғашқы басты белгілері:

 Жөтелдің 2 аптадан астам уақытқа созылуы

1.Қатты шаршау

2.Әлсіздік

3.Тәбеттің төмендеуі

4.Дене салмағының азаюы

5.Кеуде қуысының ауыруы

6.Түңгі уақытта терлеу

7.Қан түкіру

8.Дене қызуының қөтерілуі

         Өкінішке орай, науқастардың көпшілігі алғашқы байқалған белгілерге аса көңіл бөле бермегендіктен ауруды асқындырып алады.

 Ауру кеш анықталғандықтан, ол тұрғындар арасында қауіп тудырады.

 Туберкулез ауруына шалдығу қаупі ағзаларының қорғаныс жүйесі әлсіз адамдарда көбірек болатындығы анық.Үнемі жартылай аш жүретін адамдар басқаларға қарағанда туберкулезді жиі де жылдам жұқтырып алады.

Туберкулез өте қауіпті, бірақ оны емдеуге болады.

             Туберкулездің алдын- алу шаралары:

1. Салауатты өмір салтын сақтау , темекі шегуден, алкоголь ішімдіктерін ішуден,есірткі қолданудан бас тарту.

2. Тиімді тамақтану, керекті мөлшерде тамаққа ет, сүт тағамдарын, барлық дәнді дақылдар өнімдерін, көкөністер мен жемістер пайдалану.

3. Денешынықтыру белсенділігін арттыру, уақытында пайдалы тынығу.

4.Жеке  гигиена ережелерін сақтау (қолды жуу, химиялық тазартқыштарын қолдана отырып  ыдысты таза  ұстау, ағынды су пайдалану);

5. Бөлмелердің ауасын үнемі тазартып, еденді дымқыл шуберекпен сүртіп отыру;

6.Міндетті түрде етті және сүтті терме өңдеу.

7.Жеке гигиеналық құралдарын және ыдыстарын пайдалану.

8.Уақытымен туберкулез диагностикасын өткізіп және емдеудің толық курсын өткізу. 

Қазақстан Республикасында туберкулезге шалдыққан ауруларды тексеру және емдеу тегін жүргізіледі.

Туберкулездің алдын-алу үшін әрбір адам жылына бір рет флюорографиялық тексерістен өтулері  қажет

Есте сақтаңыздар!

Туберкулез емделетін ауру, емдеудің толық курсын уақытымен алса, бұл дерттен құлан таза айығуға болады!

Өз денсаулығыз - өз қолыңызда!