Қалалық «Бір отбасы-бір кітап» қалалық акциясын өткізу туралы ережені негізге ала отырып,мектебімізде осы шараға байланысты жоспар жасалды.

Акция ұраны:«Күш - білімде, білім - кітапта», «Ұлы істер - отбасынан басталады» , «Кітап-ғылым-тілсіз мұғалім», «Отбасымен бірге оқимыз!», «Отбасы - біздің шамшырағымыз, Кітап - біздің ұстазымыз», «Кітап маған тақтан да қымбат».

Акция мақсаты: Оқуға деген қызығушылықтың төмендеуіне байланысты жалпы қоғамның назарын аудару, жеке тұлға қалыптастыруда кітаптың рөлі, оқу мәдениетін дамыту және қолдау.

Акция міндеті:

• көркем әдебиетті қызыға оқитын, оқырман аудиториясын кеңейту;
• оқу мәртебесін арттыру;
• туған өлкеге деген жасөспірімдердің, ата-аналардың патриоттық сезімдерін арттыру, көркем әдебиетті оқу арқылы рухани және адамгершілік әлеуетін дамыту;
• оқуды қолдау мақсатында жалпы қоғамдық қозғалыс ұйымдастыру,отандық эдебиетке деген құрметті арттыру;
• дәстүрлі ұжымдық жэне отбасылық оқуды жандандыру, мектеп пен отбасы арасындағы байланысты нығайту.

Жоспар бойынша бастауыш сыныптар арасында 28 ақпан күні Абайдың табиғат лирикасына байланысты шара өткізілді.Шараға бастауыш сынып оқушылары мен ата-аналар қатысты.Абайдың 175 жылдығына орай ақынның шығармашылығы бойынша кітап көрмесі ұйымдастырылды.

Абайдың табиғат лирикасына байланысты өлеңдерін мәнерлеп, жатқа айтып, сурет салып,презентациялар көрсетілді.