Қарағанды қаласы № 87 ЖББОМ математика пәнінің мұғалімі     Қоржынбаева Жазира Жамаладиновна

       Математиканы оқытудың білімдік мақсаты-барлық оқушыларды математика  ғылымның негізі болатын білімдер жүйесімен және ол білімдерді саналы түрде қолдана алудың іскерліктері мен   дағдыларын қалыптастыру болып табылады.

         Тәрбиелік мақсаты – оқушылардың математикалық мәдениеттіліг мен математикалық іс- әрекеттер арқылы халық мәдениетінің элементтерін қолдана алу іскерліктерін қалыптастыру.

         Дамытушылқ мақсаты - әрбір жеке тұлғаның ақыл-ойының дамуына адамгершілікке ұмтылып, әдемілікті сүюге, үйретуге және шығармашылық даму мүмкіндігіне жағдай жасау

 Оқытудың міндеттері:

-         Білімдерін жалғастыруға, баска пәндерді оқып үйренуге, күнделікті тұрмысқа қолдануға қажетті нақты математикалық білім меңгеру.

     - Математикалық қызметке тән және қоғамда адамның толығымен қызмет жасауы қажетті ойлаудың қасиеттерін қалыптастыру , оқушыларды интеллектуалды дамыту.         

-Математиканың идеялары мен әдіс және сипаттау қалыпы ретінде математика туралы  түсінікті қалыптастыру. Математиканың қоғамдық прогресс үшін маңыздылығын түсіндіру.               

Қазақстан Республикасының білім беру стандартында білім берудің басты міндеті логикалық ойлауды дамыту болып табылатындығыатап айтылған.

  Логикалық ойлауды дамыту туралы сөз етпес бұрын логика туралы қысқаша айтып кету керек.Логика - (грек тілінен алынған logic - сөз, ой,ойлау, ақыл-ой) ойлаудың заңдылықтары мен түрлері туралы ғылым.

 Объективті пікірлерге негізделген процесс логикалық ойлау деп, ал дұрыс ойлаудың формалары  мен заңдары туралы ғылым логика деп аталады. Логикалық ойлаудың қисындылығы олардың шындыққа сай келуінде.

Пікір алмасу кезінде, әсіресе математикалық тұжырымдар  кезінде пайымдау,ойлау заңдылықтарын немесе былайша айтқанда сол заңдылықтар мен формалары жөніндегі ғылым- логиканың көмегі мен бір пікірден екінші пікірді шығарамыз. Логикалық тұжырым теориясының ең алғаш грек философы Аристотель негізін қалаған.