Елбасының  «Нұрлы жол –  Путь в будущее» атты Қазақстан халқына  Жолдауына пікір.

Тулеубекова Светлана Омаровна –Қарағанды қаласындағы №1 гимназияның қазақ тілі мен әдебиеті мұғалімі.

 Біздің еліміздің Президенті Нұрсұлтан Әбішұлы Назарбаев 2014 жылғы 11 қарашада Қазақстан Реслубликасы Конституциясы қабылдануы мен Қазақстан халықтары Асссамблеясы құрылғанына 20 жыл толуына байланысты дәстүрлі Қазақстан халқына  Жолдауын жариялады.  Жолдау «Нұрлы жол –  Путь в будущее » деп аталады. Елбасымыз өз Жолдауында келелі мәселелерді көтерген. Бұл Жолдау– Елбасының елі мен жерін сүюінің, халқын нұрлы жолға жетектеудің айқын көрінісі. Мәңгілік Елдің болашағы – келешек ұрпаққа Елбасы үлкен үміт артады. Олардың ұлттық құндылықтарды қадірлейтін, қазақстандық патриотизммен қанаттанған, ел бірлігін сақтайтын, Отанын шексіз сүйетін, ата-бабалардан мирас болған ұлы мұраны жалғастыратын, олардың аманатын орындайтын, халқының қажетіне жарайтын азамат болып өсуінен үміттенеді. «Біздің кейінгі ұрпаққа аманаттар ең басты байлығымыз – Ел бірлігі болуы керек», деп, бізге, ұрпақ тәбиелеушілерге, ұлттық құндылықтарды сіңіруге сенім артады.

  Мен Елбасының жыл сайынғы Жолдауларын мұқият оқимын және қазақ тілі мен әдебиеті сабақтарында оларды қолданамын. Елбасы  түркі ғұламаларының айтқан құнарлы сөздерін ұтымды пайдаланады, олардың аманатын өзі үнемі жалғастырып, сабақтастырады. Олардың еңбектерімен танысу және мәнін ашу ел басқарып отырған адамның қаншама уақытын алатыны баршамызға аян. Ел бірлігінің эталоны ретінде біз өз мемлекетімізді айтуымызға болады. Әлем көлемінде болып жатқан оғаш оқиғалар бізге жат болып отырғаны халқын сүйетін, оның болашағы үшін шырылдап, « Мәңгілік елдің» Ел бірлігін қамтамасыз етіп отырған ұлт Көшбасшысы- елдің ағасына алғысымыз шексіз. Алла тағала Елбасымызға көп ғұмыр сыйлап, елімізді басқарудың бесінші сайлауында жеңіске жетуіне қажыр-қайрат, күш-қуат, мықты денсаулық берсін. Біз осындай ғасыр адамымен бір елде тұратынымызды мақтан етеміз. Өз ойымды өлең жолдарымен аяқтағым келеді:

Елім менің көркейген  Қазақстан

Мақтан етем туған жерім Гүлстан

Өстім, өндім сенде қанат жайдым

Сенсің менің  өшпейтін Жырстаным! 

Қазақстан Президентінің  «Нұрлы жол- Путь в будущее» атты  Қазақстан халқына  жолдамасына пікір.

Қазақстан - ұшқан құстың қанаты талатын ұланғайыр аумақ. Сондықтан, аталған жоспар орасан қаражат пен еңбекті, аса ауқымды жұмысты қажет ететіні айтылған. Осындай ұланғайыр жеріміздегі жолдың аса маңызды екеніне көңіл бөлінген. Астана орналасқан жер жағдайына қарай аса маңызды. Ел ішінде барлық аймақтар өзара тығыз байланыста болуы керек екендігі атап айтылған. Бүгінгі жолдаудың ең басты түйіні- қайнаған тіршілік күре жолдың бойында, сондықтан жол мәселесіне айрықша назар аудару керек.

«Нұрлы Жол» Жаңа экономикалық саясатта алдағы жылдары қозғаушы күш болатыны айқын. Үкіметке Ұлттық Қордан бөлінген қаржыны тиімді, орынды пайдалану қажеттігі де тапсырылған. Осы атқарылар жұмыстарда «Нұр Отан» партиясына да аса зор жауапкершілік жүктеледі.

Елбасы қазақстандықтарды тәуелсіздігімізді дамыту жолында аянбай еңбек етуге шақырады. Патриотизм барша Қазақстан қоғамының ұлы құндылығы екендігі баса айтылған. Ата- бабамыздан мирас болған ұлы мұраны сақтауы, оған әрбір азаматтың  өз үлесін қосып дамытуы тапсырылған. Әрбір жастың бойына  осынау жалпыұлттық құндылықты  сіңіруідің  қажеттілігі айтылады. Сонымен бірге халқымыздың өткенін де білу шарт.

 Ел Бірлігі- біздің барша табыстарымыздың кілті. Тұрақты дамудың Қазақстандық моделі бүгінде бүкіл әлемге үлгі екендігіне мақтанамыз.

Омарбаева Н. А.