№ 16 ЖББ ОМ жанындағы «АРМАН» жазғы лагерінің
2014 жылғы І кезеңдегі жұмысы туралы есеп
Мақсаты: «Арман» мектеп жанындағы сауықтыру лагерінің жазғы демалысты ұйымдастыру бағдарламасын жүзеге асыру негізінде балалардың демалуы мен сауығуы үшін жағдай жасауына талдау.
Талдаудың негізгі бағыттары:
· Балалар демалысы мен сауығуы үшін жағдай жасау (лагерь нормативтік-құқықтық құжаттамасының болуы, гигиеналық талаптарды сақтау, жазғы демалыстың білім беру бағдарламасының болуы, оның жалпы білім беретін мекеме оқушыларының күндізгі сауықтыру лагері қызметіне сәйкестігі, тәрбие қызметі түрлері бойынша іс-шаралар жоспарының болуы).
· Мектеп тәрбие жүйесі басым бағыттарын мектеп оқушыларының күндізгі сауықтыру лагері қызметі арқылы жүзеге асыру.
2013-2014 оқу жылында №16 жалпы білім беретін орта мектепте «Арман» мектеп жанындағы жазғы лагері ұйымдастырылды. Мектеп әкімшілігі жазғы сауықтыру демалысын жасауға барлық жағдай жасады. Ағымдағы жөндеу жұмыстары жасалып, терезелер жөнделді, бөлмелер абаттандырылып, асхана безендірілді.
Балалардың жазғы демалысы мен бос уақытын ұйымдастыру жөніндегі тәрбие жұмысының жоспары жасалып, мектеп директорымен бекітілді. 12 тәрбиеші, медқызметкер, дене шынықтыру мұғалімі, музыка мұғалімінен құралған ұжым іріктелді. Эстетикалық безендірілген және санитарлық-гигиеналық талаптарға сай 6 бөлме, ойын бөлмесі, 1 қабат фойесі, спорт зал дайындалды.
Ата-аналардың өтініші мен жаппай оқыту қоры анықтамаларына сәйкес демалушылар саны – 130 адам. Лагерь жұмысының мерзімі: 2014 жылғы 2-13 маусым аралығы. Атауы, ұраны бар 6 жасақ жасақталды.
Лагерь келесі жұмыс режимін бойынша жұмыс жасады:
9.00-9.15 Балаларды қарсы алу.
9.15-9.30 Жаттығу жасау.
9.30-10.00 Сап жиыны.
10.00-10.30 Таңертеңгі ас.
10.30-13.00 Іс-шаралар, үйірмелер жұмысы.
13.00-13.30 Бос уақыт.
13.30-14-00 Түскі ас.
14.00-15.00 Серуен, ойындар.
"Арман" жазғы лагерінің "Сәлем, ЖАЗ!" атты ашылу мерекесі өтті. Мектеп жанындағы лагерьге демалу үшін Буратино, Дымбілмеспен Старуха Шапокляк сияқты ертегі кейіпкерлері шақырылды. Старуха Шапокляк түрлі күлкілі байқаулар ұсынды. Ал Дымбілмес пен Буратино бұл байқауларда балаларға барынша көмектесуге тырысты. Балалар жаз туралы өздері шығарған өлеңдерін оқып, жұмбақтар шешті. Жақынырақ танысу үшін әр жасақ топтың аты, ұраны, музыкалық нөмірден тұратын өз таныстыруларын дайындап келіпті. Балалар салтанатты ант берді. Мереке соңында барлық жасақтар «Ура, каникулы!» әнін орындады.
Балаларды еңбекке баулу мақсатында еңбек десанттары, ойын бөлмесінде «жайлылық» операциясы өткізілді.
Жазғы демалысты ұйымдастыруды жоспарлауда балалардың әлеуметтік-экономикалық жағдайы, жас ерекшеліктері мен олардың қызығушылықтары ескерілді. Көпшілік іс-шаралар жазғы сауықтыру лагері өміріндегі маңызды оқиға болып табылады. Олар көтеріңкі көңіл-күйді тудыруға, шығармашылық үшін қажет. Сол себепті 1 кезең барысында балалар түрлі мәдени-көпшілік шараларға қатысты. Балалар мен жеткіншектер сарайымен серіктестік құрылды. Балалар түрлі үйірмелер мен іс-шараларға қатысты, БЖС жанындағы балалар театры «Сказка в сказке» қойылымын көрсетті. Балалар «Демалыс пен мәдениет» саябағы мен хайуанаттар бағында болды.
Жұмысымыздың бір бағыты – ол балалардың Отанға деген сүйіспеншілігін тәрбиелеу. Балалар Қазақстан Республикасы Мемлекеттік рәміздер күніне арналған мерекелік іс-шараға қатысты. Салтанатты сап жиыны ҚР мемлекеттік әнұранын орындаумен басталды. Одан кейін балаларға арналған "Мемлекеттік рәміздер - елімнің мақтаны" тақырыбындағы зияткерлік викторинасы өтті. Шара "Гүлдене бер, Қазақстан!" тақырыбындағы асфальттағы суреттер байқауымен аяқталды.
Музкомедия театрында балалар «Спящая царевна» музыкалық спектаклін, Сарыжайлау кинотеатрында «Ер Төстік пен Айдахар» мультфильмін тамашалады.
ҚарМУ жанындағы табиғат мұражайына жасалған саяхат қызықты да танымды болды. Экскурсия кезінде балалар Қазақстан аумағында және басқа елдерде тіршілік ететін жануарлар мен құстарды көрді. Қызыл кітапқа енгізілген құстар мен жануарларды көру мүмкіндігі туды. Экскурсия жетекшісі Айман Эгинбаевна мұражайдың пайда болуы және мұражай экспонаттары жайлы мәлімет берді. Балалар көп танымдық ақпарат алды.
«Денсаулық» күні «Закаляйся, водой холодной обливайся!» ұранымен өтті. Балалар БЖС жанындағы бассейнге барды.
Ұжым түрлі танымдық, шығармашылық, көңілді, педагогикалық бағдарламаларды жасады. Станциялар бойынша ойын ұйымдастырылды. Балалар станцияларда демалып, жұмыс жасады. "Сказочная" мен "Литературная" станцияларында балалар ертегі кейіпкерлерімен кездесіп, олардың жұмбақтарын шешті. "Флеш" және "Музыка" станцияларында көңілді би қимылдарын қайталап, жаз, достық туралы әндер айтты. "Угадай словечко", "Математическая" станцияларында жасырылған сөздерді тауып, логикалық есептерді шешті. Спорттық станциясы балаларға өте қызықты болды.
"Арман" мектеп жанындағы лагерінде үйірме жұмыстары келесі бағыттар бойынша жүргізілді: спорттық-бұқаралық шаралар; "Чудинка" психологтық-педагогикалық блогы; музыкалық-эстетикалық блок. О.А.Карцева "Қызықты старттар", «Армлеслинг», «Пионербол», шашкиден турнир, спорттық сағаттар өткізсе, Ю.Э.Лен психологтық-педагогикалық блокта психологиялық-эмоционалдық жеңілденуге арналған жаттығулар жасатты. Т.М.Медеубаева "Әуенді тап" байқауы, музыкалық үзілістер өткізді.
Медқызметкер Ж.Р.Нурбекова балалармен «Тазалық - саулық негізі», «Шылым шегудің зияны туралы», «Күн және ыстық өткен жағдайда алғашқы медициналық көмек көрсету» тақырыптарында әңгімелер өткізді.
Мектеп жанындағы өткізілген іс-шаралар жоспары жан-жақты тәрбиелік сипатқа ие, барлық аспектілер мен тәрбие концепциясы бағыттарын қамтиды.
Сол сияқты тәрбие жұмыстары да жүргізілді: жол қозғалысы ережелері, лагерьге және үйге барар жолдағы қауіпсіз жол, көшеде, қоғамдық орындарда, қыдыру кезіндегі тәртіп ережелері, салауатты өмір салты, дұрыс тамақтану және тамақтау мәдениеті, достық пен қарым-қатынас туралы.
Балалардың серуеніне де ерекше көңіл бөлдік. Ұжыммен серуендеу және саяхат жасау балалар бойындағы терең моральдық құндылықтар мен салауатты өмір салты принциптерінің қалыптасуы үшін ең қолайлы құрал болып табылады. Балалар таза ауада көп уақыт болып, ойындар мен спорттық шаралардың басым көпшілігі далада өткізілді.
1 кезең соңында сап жиыны өтті. Онда үйірме жұмыстарына қорытынды жасалды. Оқушылар плакаттарға өздерінің лагерьден алған әсерін бейнеледі. Тілектер парағына бір-біріне деген ақ тілектерін қалдырды. Ал үйірме жетекшілері балаларды түрлі шараларадағы жетістіктері үшін мақтау қағаздарымен марапаттады. Мектеп жанындағы лагерьдің 1 кезеңі жабылуын Бегопаркте тойлады. Балалар аттракциондарда ойнап, би биледі.
Іс-шаралардың алуан түрлі болуы балалардың шығармашылық қабілеттерін ашып, қарым-қатынастағы психологиялық жайлылыққа мүмкіндік туғызды. Сонымен бірге, дұрыс ұйымдастырылған қызмет, демалыс, бос уақыт, сауықтыру балалардың рухани және дене дамуына әсерін тигізеді. Мектеп жанындағы лагерь тәрбиешілері лагерьдегі қолайлы көңіл-күй тудырып, балалардың демалысы мен сауығуы үшін қызықты да сан түрлі жұмыс формаларын өткізді. Балалар нақты білім, көшбасшылық дағдысы мен біліктілігін алды.
Лагерь басшысы: Кокухина З.П.
