2020 жылдың 20 – 24 қаңтар аралығында қазақ тілі апталығы өткізілді. Апталық барысында қазақ тілі мен әдебиеті пәні мұғалімдері Кусаинова Айдана Болатовна мен Султанова Ақерке Төлепбергеновна 5 сыныптар арасында ннтелектиалдық ойын ұйымдастырды.

Тақырыбы:«Қызықты қазақ тілі әлемі».

Мақсаты:

-орыс тілінде білім алатын оқушылардың өз елін туған жеріне, мемлекеттік тіліне деген құрмет сезімін қалыптастыру, қазақ тілінің мәртебесін көтеруге, оқушылардың тез ойланып, жауапты жүйелі түрде шапшаң қайтара білуіне үйрету.
-оқушыларды тіл мәртебесін көтеру,таза сөйлеуге үйрету,өз еліне,ұлтына деген сүйіспеншілікті ояту,ұшқыр ойлауға,жылдам сөз саптауға дағдыландыру. Оқушылардың  әдебиет  пәні  мен  қазақ тілі пәндері бойынша  алған  білімдерін   тереңдету,  тез жүйелеуге  дағдыландыру Оқушының ойлау  қабілетін , тапқырлығын , жылдамдығын, 

таным белсенділігін  арттыру.  Қазақ тілінің білгірлері,көңілді тапқырларды анықтау.

Түрі:интеллектуалдық ойын

          Оқушылардың қызығушылығын оятып, сабаққа ынтасын арттыруды, қиялын ұштап, шығармашылыққа жетелеуде өткізілген сыныптан тыс жұмыстардың мәні зор болды. 5 «Б» сынып бойынша өткізген сайыста оқушылар екі топпен жарысып, өз білімдерін ойын арқылы көрсетті. Оқушылар «Біліміңді тексер», «Әріпер сайысы» атты кезеңдерде өз ойларын қазақша жеткізе білді. Оқушыларды ойлауға, тапқырлыққа тәрбиелеп, танымдық ынтасын арттыратын бұл іс-шара, олардың жауапкершілікпен дайындалып келгендігін көрсетті.   Сайыс жеңімпаздары мақтау қағаздарымен марапатталды. 

2017-2018оқу жылының  19-23ақпан аралығында өтілетін

қазақ тілі мен әдебиеті апталығының жоспарыбойынша

3-сыныпқа арналған «Кім тапқыр?» сайысы

Мақсаты:

1. Оқушылардың білімдерін жинақтап, тереңдету.

2. Оқушылардың қызығушылықтарын арттыру, шапшаңдыққа баулу, белсенділіктерін арттыру.

3. Тапқырлыққа, ұтқырлыққа баулып тәрбиелеу. Жылдамдық пен алғырлыққа үйрету.

4. Мемлекеттік тіл мәртебесін көтеруге атсалысуға шақыру.

Сайыстың жалпы турлары:   1. «Кім жүйрік?» – сұрақтарға  жауап беру.

2. «Кім жылдам?» – сөздерге тиісті әріптерді қою.

3. «Алтын сандық» – орыс тіліндегі сөздерді қазақ тіліне аудару.

4. Капитандар сайысы.     Оқушылар жинаған ұпайларды есептеліп, сайыстың жеңімпаздары анықталып, марапатталды.

2017-2018оқу жылының  19-23ақпан аралығында өтілетін

қазақ тілі мен әдебиеті апталығының жоспарыбойынша

5-6 сыныпқа арналған  «Тіл білгірі» интеллектуалды сайысы

Мақсаты:Орыс тілінде білім алатын оқушылардың өз еліне, туған жеріне, мемлекеттік тіліне деген құрмет сезімін қалыптастыру, қазақ тілінің мәртебесін көтеруге, оқушылардың тез ойланып, жауапты жүйелі түрде шапшаң қайтара білуіне үйрету.

«Тіл білгірі» интеллектуалды сайыс 5 аялдамадан тұрады:

I аялдама – «Сәлем – сөздің басы»

II аялдама – «Кім жылдам?»

III аялдама – «Тапқыр болсаң – тауып көр»

IV аялдама – «Сиқырлы сөз»

V аялдама – «Сөзжұмбақ шешу»

Сайыс өте қызықты болды. Әділқазылар алқасы оқушылардың берген жауаптарын бағалап, жеңімпаздар анықтап, жеңген топты әділқазы мүшелері марапаттады.

2017-2018оқу жылының  19-23ақпан аралығында өтілетін

қазақ тілі мен әдебиеті апталығының жоспары

Қазақ тілі мен әдебиеті пәндері апталығының қорытынды

ЕСЕБІ

2017-2018 оқу жылы

        №11 НОМ-де ақпанның 19-ымен ақпанның23-ыаралығында қазақ тілі  мен әдебиет апталығы өткізілді. Апталықтың мақсаты қазақ тілінің мәртебесін арттыру, оқушылардың өз ойларын еркін,нақты жеткізе білуге баулу, тіл байлықтарын шыңдау, коммуникативтік,оқу-танымдық құзіреттіліктерін дамыту. Осы апталықты өткізу барысында апталықтың жоспары құрастырылып, оқушылар назарына ұсынылып, әр түрлі іс-шаралар өз деңгейінде өтті.Апталықтың бірінші күнгі жоспары бойынша  бастауыш және орта буынсынып оқушыларының танымдық қызығушылықтарын арттыру мақсатында «Менің туған жерім – Қазақстан» тақырыбы негізделген көркем сурет байқауы  және  буклеттер көрмесі ұйымдастырылды.  Аптаның екінші күні ««Қазақ тілі – қазынам» атты  6-7 сынып оқушылары арасында танымдық сайыс өтті. Көркем сурет және буклеттер көрмесіне оқушылар шығармашылықпен ат салыса отырып, Отанына, туған жерге, мемлекеттік тілге деген құрметін көрсете білген 4а,б және 5б сынып оқушыларын айта кетуге болады. Сонымен қоса пән мұғалімдері сыныптан тыс жұмыстар өткізді. Оқушылардың қызығушылығын оятып, сабаққа ынтасын арттыруды, қиялын ұштап, шығармашылыққа жетелеуде өткізілген сыныптан тыс жұмыстардың мәні зор болды. Мысалы: 4 «А» және 4 «Б» сыныптары бойынша өткізген ««Мың бір мақал, жүз бір жұмбақ»  сайысында оқушылар екі топпен жарысып, өз білімдерін ойын арқылы көрсетті. 5-6 сыныптар арасында  «Тіл білгірі» деген тақырыпта интеллектуалдық ойын түрінде сайыс  өткізілді. Оқушылар ребус, сөзжұмбақ шешіп, өз ойларын қазақша жеткізе білді. Оқушыларды ойлауға, тапқырлыққа тәрбиелеп, танымдық ынтасын арттыратын бұл ісшара олардың жауапкершілікпен дайындалып келгендігін көрсетті.   Сайыс жеңімпаздары мақтау қағаздарымен марапатталды.    «Қазақ халқының салт-дәстүрлері» 5-7 сыныптары және «Ел рәміздері» тақырыбына байланысты 8-9 сыныптары оқушыларының қатысуымен өткен презентациялар апталықтың қорытындысы түрінде өтті. Мектеп оқушылары мемлекеттік тілге деген өздерінің сүйіспеншілігін, жанашырлық, қамқорлық көзқарастарын өздерінің дәлелді сөзі, ойы арқылы айта білді. Апталықтың барысында тіл, әдебиеті пәнінің барлық мұғалімдері өз шеберліктерін көрсетіп, жоспарланған ісшара өз деңгейінде өтті.