Мектеп басшысының блогы

Мектеп директоры 

 

ЖАНТЫБАЕВА ЗАЙРА РАХМЕТАЛИНОВНА

 

         Елбасымыз Нұрсұлтан Әбішұлы Назарбаевтың тікелей қолдауымен іргетасы көтерілген мектеп-балабақша кешеніміз жыл өткен сайын көркейіп, озық технологиялық әдіс-тәсілдерді қолдану арқылы жас ұрпаққа білім мен тәрбие беру ісін жетілдіре беруді айқын мақсат етіп отыр. Тағы бір тарихи із, мақтаныш етер оқиға – мектеп-балабақша кешеніміздің он жылдық мерейтойының Қазақстан Республикасы Тәуелсіздігіне 20 жыл толу мерекесімен тұспа-тұс келуі деп білеміз.

         Оқушыларға сапалы білім мен саналы тәрбие беруде ұжым қатарын көп жылғы еңбек тәжірибесі бар үлгілі ұстаздармен бірге жас та болса бас бола білетін, бастамашыл мінез-құлқымен ерекшеленген, қабілет-қарымы жас мұғалімдермен толықтыру ісі басты міндетке айналған. Оқушылармен де, педагогикалық ұжыммен де етене араласып, бастаған істерін нәтижелі аяқтауда табандылық көрсете алатын, шәкірттерінің сүйіспеншілігіне, ата-аналарының құрметіне бөленген ұстаздар қауымы мектебімізде аз емес.

         «Бұлақ көрсең – көзің аш» деген. Оқушылар бейімін әрбір сала, әрбір пән бойынша тап басып анықтап, олардың талаптарын ұштай білу, үлкен өмірге интеллектуалдық деңгейі биік, мінезге бай, жайсаң да жайдары ұл-қыздарымызды шығарып салу – мұратымыз. Осы жолда оқушылардың білім көкжиегін кеңейту жолында аянбай ететін мектеп ұстаздарының еңбектеріне табыс тілеймін.

 

 

 

 

   

 

 

       

 

Қарағанды қалалық мәслихатының

ДИПЛОМЫ

Қазақстан Республикасының өскелең ұрпағын тәрбиелеу ісіндегі қол жеткізген жетістіктері үшін, олардың жеке тұлға ретінде қалыптасуына қосқан зор үлесі үшін, балаларды діни, адамгершілік, шығармашылық бағытта тәрбиелегені және өз ісіне берілгендік пен шәкірттеріне деген шексіз сенімі үшін

ЗАЙРАШ РАХМЕТАЛИНОВНА ЖАНТЫБАЕВАҒА

"ЕҢ ОЗАТ МЕКТЕП ДИРЕКТОРЫ"

атағы беріледі!!!!

Құттықтаймыз!!!!

Мектеп ұжымының атынан Сізді берілген атағыңызбен құттықтаймыз!

Сіз — біздің мектептің мақтанышы және лайықты тұлғасысыз! Оқушылар да, ұстаздар да, ата-аналар ұжымы да сізді мақтан тұтамыз! Сіздің еңбегіңіз үшін, сіздің ерік-жігеріңіз үшін рахмет! Сізге мықты денсаулық, мол табыс, кез-келген міндеттер оңай шешіліп, жаңа жетістіктерге шабытыңыз таусылмасын деп тілейміз!!!