Іс- шара: Кеңес

Мерзімі: Қараша

Қазақ тілі оқытушылары: Оразалина А.Р

Хасенова Ы.Е

Құрметті ата-аналар!

Бала тілінің дамуы – оның тұлғалық қалыптасуының негізі. Сөйлеу тазалығы дегеніміз – сөздің анық, дұрыс айтылуы, мағынасына сай қолданылуы және тіл мәдениетін сақтай білу. Бұл дағды баланың ерте жасынан қалыптасады және ең алдымен — отбасынан басталады.

Сөйлеу тазалығын сақтау үшін кеңестер:

1. Үлгі болыңыз. 

   Сіз қалай сөйлесеңіз, балаңыз да солай сөйлейді. Дұрыс, анық, сыпайы сөйлеңіз.

2. Артық сөздерден аулақ болыңыз. 

   Қолайсыз, дөрекі, бейәдеп сөздерді қолданбаңыз. Бұл баланың сөздік қорына кері әсер етеді.

3. Балаңызбен жиі сөйлесіңіз. 

   Күнделікті өмірдегі оқиғалар туралы сөйлесу — тіл байлығын арттырады.

4. Ертегі, тақпақ, өлең оқытыңыз. 

   Бұл сөз қорын кеңейтіп, сөздерді дұрыс айтуға көмектеседі.

5. Теледидар мен гаджеттерді шектеулі түрде қолданыңыз. 

   Өйткені олар тілдік емес, визуалды ойлауға бейімдейді.

6. Сөйлеуінде ақау байқалса — маманға жүгініңіз. 

   Логопед пен педагог көмегі арқылы сөйлеу кемшіліктері ерте жойылады.