"Жанұя мектебі" кеңес беру орталығы

Іс-шара: Қимыл- қозғалыс ойындары

Мерзімі: Желтоқсан

Дене шынықтыру нұсқаушысы: Сармурзина Д.А

Ұлттық ойындар ойнату арқылы баланы тапқырлыққа,  жылдамдыққа,шапшаңдыққа, икемділікке,батылдыққа үйретуге болады.       .    

Ұлттық ойындар – балаларды қимыл-қозғалысқа үйретудің тиімді және қызықты әдістерінің бірі. Олар тек физикалық дамуды қамтамасыз етіп қана қоймай, сонымен қатар ұлттық мәдениетке тәрбиелейді, шығармашылық қабілеттерін дамытады және ұжымдық әрекетке баулиды. Ұлттық ойындардың балалардың қимыл-қозғалыс дағдыларын қалыптастырудағы ерекшеліктеріне тоқталсақ :

1. Ұлттық ойынның физикалық дамуға әсері

Ұлттық ойындар түрлі қозғалыстарды талап етеді: жүгіру, секіру, өрмелеу, иілгіштік және ептілікті.

 Мысалы:

• «Қыз қуу» ойыны– балалардың жылдамдығын пен ептіліктерін дамытады.
• «Хан талапай» ойыны

ақыл-оймен қатар,санамақ,жылдамдық,шапшаңдықты, ұсақ моториканы жетілдіреді.

• «Асық ату» ойыны– қолдың дәлдігі мен көз мөлшерін жақсартады.

2. Балаларға ұлттық ойынды үйрету арқылы мәдени  тәрбие беру

Балалар ұлттық ойындар арқылы қазақ халқының тарихы, дәстүрлері мен құндылықтарын тереңірек түсінеді. Бұл олардың ұлттық сана-сезімін қалыптастырады.

3. Ұлттық ойын ұжымдық әрекетті дамытады.

 Көптеген  ұлттық ойындар топтық түрде өткізіледі. Бұл балалардың бір-бірімен қарым-қатынас жасауға, достық пен ұжымшылдыққа үйретеді. Мысалы: « Арқан тартыс» ойыны балалардың ұжымдық әрекетін қалыптастырып, ортақ шешім қабылдау дағдыларын дамытады.

4. Ұлттық ойындарды үйрету кезінде қолданылатын арнайы жабдықтар  қымбат материалдарды қажет етпейді.

Асық, таяқ, тас,арқан сияқты қарапайым құралдармен ойнауға болады.  Ұлттық ойындарды кез келген жерде ұйымдастыруға мүмкіндік береді.

5.  Баланың қиялы  мен шығармашылығын дамытуға әсері

 Ұлттық ойындар баланың қиялы мен шығармашылық қабілеттерін дамытуға мүмкіндік береді. Мысалы, «Айгөлек» ойынында балалар ән мен биді үйлестіріп ойнауға,  тіл байлығын дамытуға,есте сақтауға әсері мол.

6. Денсаулыққа пайдасы

 Қимыл-қозғалыс ойындары балалардың бұлшық еттерін нығайтып, жалпы физикалық төзімділігін арттырады. Сонымен қатар, далада ойнау таза ауамен тыныс алуға ықпал етеді, бұл денсаулықты нығайтуға көмектеседі.

Қорытып айтсақ:Ұлттық ойындар балалардың жан-жақты дамуына мүмкіндік береді.  Ұлттық ойындарды балабақшада,  далада немесе үй жағдайында ұйымдастыру арқылы баланың физикалық, әлеуметтік және мәдени тәрбиесін үйлесімді түрде дамытуға болады.