Қарағанды қаласының балалар арасындағы "Алаңдағы бестемше" жарысын ұйымдастырдық
Түркістан қаласындағы Бестемше ойын жарысынан Қарағанды облысының командасы І орынды жеңіп алды
Облыстық семинарға қатысу
Әріптестеріміз Екібастұз қаласында «Көшпенділер ойыны» республикалық семинарға қатысып, тәжірибемен бөлісті
Астана қаласындағы "Бестемше ұлттық зияткерлік ойыны" ұлттық ғылыми-практикалық конференция
Бөбекжай директоры М.М. Мадикенова ұлттық зияткерлік ойыны Бестемшеден халықаралық конференцияда іс-тәжірибесімен бөлісті (Туркия Анкара қаласы)
Бестемше – қазақ халқының зияткерлік бренді
Бестемше ойыны бабаларымыздың кең ақыл, биік болмыс иесі болғандығын көрсетеді. Бұл ойынның әлемге тез арада жайылуы – оның өміршеңдік қуатының жоғарылығын, ережелеренің эстетикалық деңгейінің биіктігін көрсетеді. Көптеген елдер бестемшені бала тәрбиелеудің, математикалық қабілетін арттырудың озық үлгісі ретінде пайдаланады.
Бала бестемше ойынын 4-5 жаста балабақша кезеңінен бастап ойнай алады. Бестемше ойынын балаларға ойнату тиімді, өйткені бұл барынша жеңіл әрі ережесі қарапайым, балаларға есептің 4 амалын меңгерумен бірге ойлау қабілетін қалыптастырады. Мінез-құлқын, сана-сезімін әлеуметтік жағынан тәрбиелеп, тәртіпті тиянақтауға, ойлау жүйесін шыңдауға көмектеседі.
2023 жылдың тамыз айында Астана қаласында «Мектепке дейінгі білім беру педагогтерінің тәрбиешілері мен дене шынықтыру нұсқаушыларының кәсіби құзыреттілігі мен дағдыларын дамыту» тақырыбында өткен біліктілікті арттыру курсына бөбекжайымыздың дене тәрбиесінің нұсқаушысы Маханбетчина Нургуль Аманжоловна жіберіліп, сертификатқа ие болды. Қыркүйек айындағы 1 педкеңесте педагогтарымызға таныстырылып, бестемшані түрлендіріп жасауды бастап кеттік.
Бестемшенің шығу тарихына сүйенсек, алғашында тас тақтаға жасалып, ойналған болса, бүгінгі күнде мектепке дейінгі шақтағы бүлдіршіннің құзіреттілінгін арттыру және бөбекжай түлегінің моделін қалыптастыру мақсатында авторлық кілемшелерімізді (бес дағды, экологиялық тәрбие, ұлттық құндылық, зияткерлік дамуы) пайдаланудамыз.
«Садақ ату бестемшесі» - балаларды мергендікке, ептілікке баулиды.
«Робот бестемше»- логикалық, интеллектуалдық ойлауды дамытады.
«Наурыз бестемше» - салт-дәстүрімізді, мәдениетімізді қастерлеуге тәрбиелейді.
«Ертегі бестемше» - балалардың тілін дамытып, байланыстырып сөйлеу дағдыларын қалыптастырады.
«Көкпар бестемше» - ұлттық ойыны зеректікке, ұйымшылдыққа тәрбиелейді.
«Теңге алу бестемше» - ептілікке, дәлдікке тәрбиелейді.
«Музыка бестемше» - қазақтың ұлттық аспабының дыбысталуымен таныстырады.
«Төрт жыл мезгілі» - (жаз, күз, қыс, көктем)
Барлық педагогтарымыз Бестемшені меңгеріп, мектепалды топтарының балаларына үйретті. Қараша айында Қарағанды қаласының барлық мектепке дейінгі ұйымдарымен Бестемше ойынын негіздеу семинары өткізіді. Желтоқсан айындағы Тәуелсіздік мерекесінің қарсаңында барлық қала педагогтарымен 42 команда арасында «Алаңдағы бестемшеден» командалық жарыс ұйымдастырылды.
2024 жылдың ақпан айында Теміртау қаласындағы «Құндылыққа негізделген тәрбие мен білім» атты облыстық форумында «Бестемше» ойынының түрлерінен көрмеге қатыстық.
Сарыарқа телеарнасының «Сәлем Қарағанды!» бағдарламысында «Бестемше» ойыны жайлы сұхбат берілді.
Бөбекжайымызда «Наурызнама» айлығының аясында МДҰ мен ата-аналар арасындағы құрылған «Мейірім көпірі» аясындағы кездесулерде ата-аналарға Бестемше ойыны негізделіп жарыс ұйымдастырылды.
2024 жылдың қыркүйек айында Республикалық форумға қатысып, Бестемшенің түрлерінен көрме ұйымдастырдық.
Қараша айында Түркия елінің Анкара қаласында өткен халықаралық семинарға қатысып, түрлендірілген Бестемше ойынымен таныстырып қайттым.
Қараша айының 20-да педагогтарымыз Павлодар облысы Екібастұз қаласында өткен «Ұлттық ойындар – ұлттық құндылық» Республикалық семинарға қатысып, өз тәжірибелерімен бөлісіп қайтты.
Бестемше ойынын дамытуға себеп болған тағы бір жайт, балалардың бойындағы сабырлылықты, төзімділікті, ойшылдық, есептегіштік пен үнемшілдік қасиеттерін қалыптастыру екені анық. Бұл қасиеттер дамыған елдер қатарына қосылам деген әр азаматтың бойынан табылу керек.
