«Жаз - 2022» БАҒДАРЛАМАСЫ
Балалар мен жасөспірімдердің жазғы демалысын, бос уақытын мазмұнды ұйымдастыру мен сауықтыруға арналған «№ 12 ЖББМ» КММ- нің
«ЖАЗ - 2022»
БАҒДАРЛАМА МАЗМҰНЫ
- КІРІСПЕ
Жаз – демалуға арналған мезгіл. Жазда балаға оқу жылындағыдай талаптар қойылмауы керек. Жаз оқушылар үшін көптен күткен демалыс уақыты, сондықтан оқушылар еркін әрі қызықты өмірге ұмтылады. Оқу жылының соңғы айлары, тіпті соңғы күндері де жакын. Осындай күнді оқушылардың ерекше күтетіні анық. Жазғы демалыстың оқушының ойында қалатындай, оның алдағы дамуына оң әсер қалдыратындай алдын-ала дайындық жұмыстары жүргізілуі тиіс.
Жазғы сауықтыру басталғанға дейінгі мерзім ішінде мектеп педагогикалық ұжымында 1-4 сынып оқушыларының (52 оқушы ) жазда бос уақытын дұрыс пайдалы өткізу жөнінде кеңінен даярлық жасау жұмыстары атқарылады.
«Жаз-2022» бағдарламасында жоспар құрылып, жоспар бойынша оқушыларды қызықтыратын әр күнге арналған іс- шаралар қамтылады, лагер оқушыларын оқу- тәрбие барысында әртүрлі әдіс- тәсілдер арқылы оқыта отырып, тынығу, дұрыс демалып, тәрбиелеудің түрлі жолдары қарастырылады. Ұзақтық мерзімі бойынша бұл бағдарлама шектеулі мерзімді қамтиды, себебі жазғы сауықтыру айларында іске асырылады.
Лагерьдің негізгі құрамы— ол мектеп оқушылары. Лагерьге балаларды жинақтағанда аз қамтылған отбасы, толық емес, көп балалы отбасындағы балаларға баса көңіл бөлінеді. Сол сияқты мүгедек балаларға, зейнеткер ата-аналары бар балаларға, қиын жағдайға душар болған балаларға, ерекше оқуды қажет ететін балаларға көп көңіл бөлінеді.
Лагерь маусымдарының кестесі:
І маусым:01.06 - 14.06.2022 (2 күн санитарлық жұмыстар жүргізіледі);
ІІ маусым: 17.06 - 30.06.2022 (2 күн санитарлық жұмыстар жүргізіледі);
ІІІ маусым 04.07 - 15.07.2022 (2 күн санитарлық жұмыстар жүргізіледі);
ІV маусым 19.07 - 01.08.2022 (2 күн санитарлық жұмыстар жүргізіледі);
Жұмы мерзімі:
Бағдарлама төмендегі нормативті-құқықтық құжаттарды ескере отырып даярланған:
- бала құқығын қорғау БҰҰ Конвенциясы;
—ҚР Конституциясы;
—ҚР «Білім туралы Заңы»;
Лагерь үнемі жаз мезгілінде жұмыс жасайды. Лагерь балалардың денсаулығын жақсартуға, сауықтыру мәселесі, ой-өрісін дамытып, ойлау қабілеттерін арттыруға, гигиеналық және дене мәдениетін сақтауға; медициналық сақтандыру, спорттық, білім беру, мәдени-демалу қызмет көрсету, күш-қуатын жақсартып, шығармашылықпен жұмыс атқару, азаматтық тәрбие, адамгершілікке, отаншылдыққа баулу, экологияны сақтауға балаларды тәрбиелеу бағдарламасын іске асыруға қолайлы жағдай жасау мақсатында ұйымдастырылған.
2. БАҒДАРЛАМА ТҰЖЫРЫМДАМАСЫ
Адами құнды қасиеттер бойынан табылоатын, денсаулығы бар, отанға деген сүйіспеншілігі артқан адам ғана қоғамда белсенді өмір сүріп, өмірде кездесетін түрлі қиындықтарды жеңіп, қызметінде жақсы табыстарға жетеді. Сол себептен ата-аналар мен мектеп ұстаздарының денсаулығы мықты, шығармашылық қабілеті зор бала тәрбиелеу мәселесі көп алаңдатады.
Балалардың шығармашылықпен жұмыс атқаруларына, шығармашылық жұмысты дамытуға педагогикалық ұжым үлкен мән береді. Мектеп педагогтары мақсатты бағытта егерде бала педагогтармен бірлесіп отырып шығармашылықпен жұмыс атқармаған жағдайда баланың қабілеті әлсірейді деген ой түйеді.
Балалық шағынан бастап «Салауатты өмір сүру» түсінігін бойына сіңіру қажет. Сауалнама нәтижесі бойынша балалардың 95% пайызы салауатты өмір сүреміз деп есептейді, қалған 5% пайызы бұл мәселеге үлкен мән бермейді. Бірақ барлық тәрбиеленушілер денсаулық мәселесі маңызды деп есептейді.
3. БАҒДАРЛАМАНЫҢ МАҚСАТ-МІНДЕТТЕРІ
Барлық жоғарыда айтылғандарды ескере отырып, «№12 ЖББМ» КММ педагогикалық ұжымы төмендегідей мақсат- міндеттерді қояды:
Бағдарлама мақсаты:
Байланысы: Педагогикалық ұжымның, ата-аналарды, оқушылардың мектептен тыс ұйымдармен тығыз байланыста болуы, қарым-қатынас жасауы; оқушылардың жазғы демалысын дұрыс ұйымдастыру үшінқажетті әдістемелік, ұйымдастыру, ақпараттық қамтылу жағдайын жасау.
Міндеттері:
- Әлеуметтік тәжірибе жинақтауға баланының араласып, қатыстырылуы, бірге қызмет істеуі, шығармашылық жұмыспен бірге айналасуы;
- Жас ерекшеліктері әр түрлі топтармен қарым-қанынас жасау түрлерін дамыту;
- Балалардың демалысын дұрыс ұйымдастыру, табиғатты аялауға, қорғауға баулу;
- Шығармашылықпен жұмыс атқаратын балаларды анықтап, қабілетін дамыту, жеке жұмыс жасауға, бірлесіп жұмыс атқаруға баулу;
- Топпен жұмыс жасауға үйрету, балалардың жазғы сауықтыру лагерін басқаруға қатыстырылуы;
- Кеңінен тараған ауруларды болдырмау, алдын-алуға, балаларды сақтандыруға, денсаулығын күшейтуге, баланың денсаулығын шынықтыруға байланыстытүрлі сауықтыру іс-шараларының жүйесін құру;
- Салауатты өмір сүруге бейімдеу;
Бойында адами құнды қасиеттері қалыптасқан, Отанға деген сүйіспеншілігі артқан тұлға тәрбиелеу;
- Аз қамтылған отбасы балаларының мектептегі және «Салют» атты қала сыртындағы лагерьлерде демалулары үшін тегін жолдамамен жалпыға бірдей білім беру қорынан қамтылуларына көмек көрсету.
Принциптері:
«Балауса» атты жазғы сауықтыру бағдарламасы төмендегідей принциптерге негізделген:
1. Қарым-қатынасты ізгілендіру принципі:адамды құрметтеу, сеніммен қарау, табысқа қол жеткізуіне қолқабыс жасау. Бала, ата-ана, лагерь қызметкерлерімен адамгершілікпен байланыс жасай отырып педагогикалық процестің барлық негізгі құрамдас бөлігі - компоненттерін психологиялық тұрғыдан түсіну.
2. Бірге қызмет істеу түрінің психологиялық тұрғыдан балалардың жас ерекшеліктері мен атқарылған қызмет түрінің сәйкес болу принципі: Ересек адамдардың баламен біргежұмыс атқаруының тәрбиелік маңызы зор болады және де балада шығармашылықпен жұмыс атқарамын деген сенім пайда болады.
3. Демократияшылдық принципі: шығармашылық қабілетін дамыту жоспарына барлық балалар мен жасөспірімдердің тегіс қатыстырылуы.
4. Жазғы сауықтыру лагерінде тәрбиелеудің түрлі түрін, әдісін, тәсілін мазмұнын таңдау принципі төмендегі жұмыстардың атқарылуын талап етеді:
- балалардың жеке психологиялық ерекшеліктеріне қарай оларды тәрбиелеудің түрлі түрін, әдісін, тәсілін мазмұның табу принципі;
- ауысым ішінде бір жұмыс түрінен екінші жұмысқа көшу мүмкіндігінің болуы; (1 күнде);
- күн тақырыбына байланысты барлық іс- шаралардың бір-бірімен тығыз байланысты болуы, мазмұн сәйкестігі;
- барлық атқарылатын ісшараларға балалардың белсенді түрде қатыстырылуы.
5. Баланың дара қасиетін ашу шығармашылық принципі: шығармашылықпен жұмыс жасауы, тұлға даралығының ашылуы– тұлғаны сипаттау мінездемесі, қолға алған жұмысын толық іске асыруы.
Бағдарламадан күтілетін нәтижелер.
1.Балалардың денсаулығын нығайту және жеке гигиена дағдыларын үйрету.
2.Түрлі шараларға қатысу арқылы балалардың табиғи қабілеттерін ашу, шығармашылығын дамыту.
3.Мейірімділікке, өзін-өзі сыйлауға, бір-біріне қолдау көрсетуге, достық қарым-қатынасты қалыптастыру.
4. Жазғы сауықтыру алаңының күндіз болу кезіндегі әлеуметтік- психологиялық ахуалын жақсарту;
5. Балалар арасындағы теріс әлеуметтік жайлардың өсу қарқынын төмендету;құқық бұзушылықты болдырмауы.
6. Пән бойынша білімдері мен қабілет-қарымдарын жетілдіреді, байытады;
7. Математикалық білім көкжиектерін кеңейтеді;
8. Математикалық сөйлемдерді ауызша және жазбаша түрде дұрыс құрай білуге үйренеді.
9. Ұлттық спорт түрлері мен ұлттық қолөнерді танып біледі, үйренеді;
10. Мектеп айналасы жасыл желекке бөленеді, оқушылардың танымдық белсенділіктері артады,
11. Табиғатты қорғау, аялау, сүю сезімдері оянады.
12. Эстетикалық талғамға сай жұмыстарының нәтижесін көру
13. Салауатты өмір салтын насихаттап, денсаулығын нығайтуға таза ауадағы жұмыстың ерекше әсерін сезіну
14.Оқушылардың жаратылыстану, биология пәндері бойынша алған теориялық білімдерін практикамен ұштастыруға мүмкіндік береді.
4. ОҚУШЫЛАРДЫ ЖАЗДА САУЫҚТЫРУ ЖӘНЕ БОС УАҚЫТЫН ДҰРЫС ҰЙЫМДАСТЫРУ ТҮРЛЕРІ
Дене шынықтыру, спортпен айналысу сияқты сауықтыру шаралары лагерьдің жұмыс мазмұнының әдіс-тәсілінің бір артықшылығы болып табылады. Бұл шаралар баланың дұрыс дамып-жетілуіне, өсуіне, денсаулығының мықты болуына бағытталған (дұрыс тамақтануы, медициналық көмектің дер кезінде көрсетілуі, таза ауада серуендеуі, сауықтыру, дене шынықтыру, мәдени ісшаралардың өткізілуі, саяхат жасау, жорыққа шығу, түрлі ойын-сауық құру, қызығушылықтары бойынша бірлесіп жұмыс жасау).
Профилді лагерь қызметі салауатты өмір сүруді қалыптастыруда міндетті ісшаралар жүйесімен толықтырылатын білім, білік, дағдысын шығармашылықтың нақты түрінде практикамен байланыстырып іске асыруларын қарастырады.
Балалардың демалыс лагерінде демалу уақыты сағат 9.00 мен 15.00 аралығы.
Мектеп басшысының бекітілген Ережелеріне сәйкес кәмелетке толмаған топ балаларымен саяхат жасау, т.б. сол сияқты ісшаралар, өрт қауіпсіздігін сақтау, еңбекті қорғау және техника қауіпсіздігін сақтауға арналған ісшаралар белгілі тәртіп ретімен атқарылады. Балалардың өсіп-жетілуі, шынығуы, денсаулықтарының мықты болып сауығуы көп жағдайда лагерь жұмысын ұйымдастыратын ересек адамдардың біліміне, іскерлігіне, жұмысқа даярлығына тікелей байланысты.
Тәрбиешілеріміз балалардың өмірі мен денсаулықтарына жауап береді, күн тәртібіне, санитарлық нормалардың, техника қауіпсіздігінің сақталуына, сауықтыру-тәрбиелеу жұмысын, балалардың бос уақытын дұрыс, пайдалы , мағыналы ұйымдастыруға жауапты. Сол сияқты өзін өзі басқару ұйымдарының жұмысын, топтар жұмысын талдап, саралау жасайды.
Ұжымның педагогикалық ұстанымы:
1. Педагогикалық кәсіби шеберлік принципі;
2. Баланы тұлға ретінде құрметтеу принципі;
3. Бірлесіп жұмыс атқару, бірге шығармашылықпен айналасу, ынтымақтастықта болу принципі.
4. Балалар интеллектін дамытуда дара ісіндегі бастамасын, шығармашылығын қолдау принципі;
5. Балалар ұйымының өзін-өзі басқару принципі;
6. Балалардың мектептегі тіршілік әрекетін ұйымдастыруда жалпы адами және ұлттық мәдени құндылықтардың үйлесу принципі;
7. Әрбір баламен жеке жұмыс жасау және ұжымның шығармашылықпен жұмыс атқару принципі;
8. Даулы мәселелерді дұрыс шешу, оң шешім қабылдау.
9. Лагерьге бейімделу аралығы.
Лагерьдегі жаңаша өмірге балалардың тез, қиындықсыз бейімделіп кетуі үшін мына ісшараларды атқаруымыз қажет: Балаларды бір бірімен тез таныстырып, олармен бірге ойын-сауық өткізіп, тез танысып, білісіп кетуге жол ашу үшін топпен жұмыс жасау керек;
- Күн тәртібіне, санитарлық нормаларды сақтауға үйретіп, үнемі уақытында орындап отыруға дағдыландырып, «бірыңғай педагогикалық талаптар» қоюға болады;
- Олар өздерін емін-еркін сезініп, лагерьде бір мезгіл серпіліп, жеңілдеп, тынығып қалатындай жағдай жасау үшін бөлмелерін, жалпы мектепті әдемі безендіріп, әшекейлеп, үнемі көз тартатындай етіп жинақы ұстау керек;
- Балаларды жас ерекшеліктеріне сай шағын топтарға бөліп, атауға болады;
- Балаларға қабілетін ашуға, білімін көрсетуге, өз орнын табуғамүмкіндік беріп, осыдан кейін түрлі бағытта топ жұмыстарын бөліп беру керек: спорттық, интеллекті анықтау, көркем-қолданбалы, шығармашылық жұмыс;
- Жақын болашақта оларды не күтіп тұрғандығы жөнінде болжам жасауға қалыптастыру, жұмыстың бағдарламасымен таныстырып, жұмыс жоспарын даярлауға қатыстыру керек.
- Жұмыстың негізгі түрлері:
- «№12 ЖББМ» КММ оқушыларының жазғы демалыс уақытында сауығып, демалу әдісі мен түрлерін іске асыру:
- Жазғы мектеп сауықтыру лагері «Балауса» (маусым-шілде)
- - Қала сыртындағы лагерь «Салют» ( арнайы кесте бойынша)
- Мектеп маңын абаттандыру және көгалдандыру бойынша бригадалар– (маусым, шілде, тамыз)
4.1. Жазғы мектеп сауықтыру лагері «Балауса» (52 оқушы, 1-4 сыныптар)
Мерзімі:
1 ауысым (01.06-14.06. 2022ж) лагерь басшысы Бошаева Л.К
2- ауысым (17.06-30.062022ж) –лагерь басшысы Қалдыбаева С.М.
Бір күндік төлемақысы сағат 9.00 -ден15.00 -ге дейін – 800 теңге
Ұжымдық-шығармашылық жұмыстар, таңертеңгілік жаттығулар, саптық жиын, концерт, викторина, әңгіме-сұхбат, ойын-сауық, саяхат, жорық, акция.
Сурет салу конкурсы «Асфальтта сурет салу»; табиғи заттардан ұсақ-түйек бұйымдар жасау «Лепкодром»; «Таланттылар күні», білімдар (спорт, музыка, кинофильм, өлең-жыр және т.б.)
Жалпы лагерь мерекелері: «Лагерь маусымының ашылуы» ,«Қазақстан Республикасының мемлекеттік рәміздері күні», «Есірткісіз-болашақ!», «Астана күні», «Лагерь аруы», «Лагерь серісі» және т.б.
Спорттық іс шаралары: «Көңілді старт», темекі тартуға қарсы күрес акция «Біз – денсаулығы мықты болашақ үшін!», «Біз Отанымыздың патриотымыз», «Ұлттық ойындар». т.б.
Танымдық-сауықтыру мерекелері: Қоршаған ортаны қорғау күні; Жас қыран күні; Кино күні; денсаулық күні, түрлі фестиваль.
Лагердегі заңдылықтар:
- Уақытты тиімді пайдалану.
- Үнемділік заңы
- Табиғатты қорғау.
- Бірін бірі құрметтеу.
- Салауатты өмір салтын сақтау.
- Ынтымақтастықта болу.
- Басқа адамның пікірі мен еңбегін құрметтеу.
- Пікір еркіндігі.
Тәрбиеленушілер құқығы:
- Жеке тұлғаны құрметтеу.
- Ұжымдық және жекелеме шығармашылықпен айналысу.
- Танымдылық-ізденістік жұмыстармен айналысу.
- Айналысатын іс-әрекетін таңдау.
- Ақпараттар алу құқығы.
- Өз бастамасын ұсыну.
- Қателесуге құқылы.
4.2. «Салют» қала сыртындағы лагерде демалу.
«Салют» лагеріне көпбалалы отбасы балалары қабылданады, сезондар төменде көрсетілген уақыт аралықтарын қамтиды.
20.06-01.07- бірінші сезон
06.07-17.07- екінші сезон
22.07-03.08- үшінші сезон
08.08-19.22- төртінші сезон.
Биылғы оқу жылында аз қамтылған отбасында тәрбиеленіп жатқан 7 жастан 14 жасқа дейінгі 12 баланы қала сыртындағы «Салют» лагерінде демалдыру жоспарланып отыр. Жауапты: әлеуметтік педагог Куанбаева К.А.
