Жайдарман әзілкештер мен тапқырлар сайысы!
«Жайдарман» - көңілді тапқырлар өнер көрсететін танымал телевизиялық ойын-сауық бағдарламасы. Тележоба әзіл-оспақты қолдана отырып, қоғамның дамуындағы мәселелерді ашуға, ұлттық дәстүр мен мәдени құндылықтарды сақтауға, дамытуға шақырады. Отансүйгіштік пен ұлттық сананың биік адамгершілік ұстанымдарын насихаттайды. Бағдарлама вокал мен хореографиялық өнер саласында, сонымен қатар эстрадалық жанрдың басқа бағыттарындағы соңғы жетістіктерін ұсынады. Бүгінде «Жайдарманның» 300 000 адамды бір мүддеге тоғыстыратын аудандық, облыстық және аймақтық лигалары бар. Әдемі әзілді өмір ақиқатымен жарасымды үйлестіретін жобада Мемлекеттік жастар саясаты кеңінен насихатталады.
14 қазан күні К.Станиславский атындағы облыстық орыс драма театрында өткен Қарағанды қаласы бойынша мектепаралық «Жайдарман» ойындарының маусымашар фестивалінде өнегелі ойын өрнегін көрсеткен мектебіміздің «Алғабас» жайдарман тобы ¼ ширек финалға жолдама алды.
№12 ЖББО мектебінде алғашқы рет «Мектеп кубогы» жайдарман ойыны ұйымдастырылып өткізілді.
25 қараша күні Қарағанды Темір жол колледжінде өткен "Жайдарман" ойынында үздік ойын өрнегін көрсетіп, қатысқан 7 команданың ішінен №12 ЖББО мектептің 10 "А" сыныптың оқушыларынан құралған «Бойжетпегендер» командасы I орынға ие болды және 11 сынып оқушыларынан құралған «Алғабас» командасы II орынды жеңіп алды.
"Қазақстан КВН Одағы" РЖҚБ Қарағанды КВН Филиалы ұйымдастыруымен өткен "Қалалық Мектепаралық Чемпионатының 1/4 ширек Финал" сайысында өнегелі ойын өрнегін көрсетіп, "Кіші" финалға мектептің "Алғабас" жайдарман тобы жолдама алды.
9 сәуір күні мектебіміздің 10 "А" сынып оқушыларынан құралған "Бойжетпегендер" атты жайдарман тобын Қарағанды коммерциялық колледжінің әкімшілігі және жастар істері жөніндегі комитеттің ұйымдастыруымен "Мен Қарағанды коммерциялық колледжін таңдаймын!" жобасы аясында өткізілген КТК ойындарына қатысып, жүлделі II орынға ие болды.
Мектептің"Алғабас" жайдарман тобы "Қазақстан КВН Одағы" РЖҚБ Қарағанды КВН Филиалы ұйымдастыруымен өткен "Қалалық Мектепаралық Чемпионатының Кіші Финал" сайысында өнегелі ойын өрнегін көрсетіп, сертификатпен оралды.
