Қарағанды қаласының білім бөлімі 2013 жылғы 24 мамырда Орталық саябақта Соңғы қоңырау мерекесіне арналған  жыл сайынғы  қалалық  салтанатты іс-шара өткізді.  Мереке 2012-2013 оқу жылының жалпы қорытындыларын жасау, мектеп түлектерін оқу, шығармашылық, спорттық жетістіктерін насихаттау және үздік түлектерді құттықтау, түлектердің өз Отаны үшін мақтаныш сезімдерін тәрбиелеу және болашақта елдің одан әрі дамуына  үлес қосу талпыныстарын қалыптастыру, сонымен қатар түлектер мен ата-аналар үшін мерекелік атмосферасын жасау мақсатында ұйымдастырылды. Мерекелік іс-шараға Қарағанды қаласының әкімі М.А. Смағұлов, қалалық білім бөлімінің басшылығы және мамандары, мектеп түлектері, мұғалімдер мен сынып жетекшілер, ата-аналар қатысты. Мерекелік іс-шара барысында 2000 астам түлекті Қарағанды қаласының әкімі М.А. Смағұлов, педагогикалық еңбек ардагері Н.И. Иванова, ата-аналар қоғамдастығының өкілі Е.Ш. Әбішев құттықтады. №97 гимназия түлегі Уматов Мухаммад ұстаздар қауымына мектеп түлектері атынан алғыс білдірді.   Іс-шараның ең салтанатты сәттерінің бірі - «Жыл оқушысы-2013» қалалық байқауының жеңімпаздары - №91 орта мектебінің түлегі Саматов Нұрбол, №38 гимназияның түлегі Шагирова Тоғжан және барлық түлектердің салтанатты Ант беру рәсімі, Соңғы қоңырау соғу және қаланың үздік түлектерін, олардың ішінде облыстық, республикалық, халықаралық деңгейлерде өткен пәндік олимпиадалардың, шығармашылық байқаулардың, спорттық сайыстардың 120  жеңімпазын құрметпен атап өту рәсімі болды. Іс-шараның нағыз мерекелік көңіл-күйін жасауға қаланың «Волшебная страна», «Аяла» хореография ұжымдары, №38 гимназияның «Поющие сердечки» атты эстрада театры, №27 және 68 орта мектептердің, №97 гимназияның мұғалімдері және 2013 жылдың түлектері өз үлестерін қосты.