Қалалық  білім беру бөлімінің қолдауымен қазақ тілінің оқыту сапасын арттыру мақсатында жалпы білім беретін мектеп оқушылары арасында қазақ тілінен «Жарқын болашақ» олимпиадасын өткізу дәстүрге айналды.
2015 жылы 21 қаңтар  күні №17 жалпы білім беретін орта мектебінде бес бағыттағы «Тілші- әдебиетшілер», «Сөз шеберлері», «Әнші бұлбұлдар», «Жас ғалымдар», «Жазушылар» атты байқаулары өтілді. 

Мақсаты:Қазақстан Республикасының «Білім туралы», «Қазақстан Республикасындағы тіл туралы» Заңдарын, ел Президенті Н. Ә. Назарбаевтың «Қазақстан - 2050» стратегиясы – қалыптасқан мемлекеттің жаңа саяси бағыты атты жаңа Қазақстан халқына Жолдауын жүзеге асыру, бәсекеге қабілетті жас ұрпақты тәрбиелеу, оқушылардың мемлекеттік тілге, қазақ халқының әдебиетіне, мәдениетіне, өнеріне, ұлттық құндылықтарына деген сүйіспеншілігін арттыру, оны қастерлеуге баулу.  «Жарқын болашақ» олимпиадасына ауданның 24 мектебі қатысты. Осы байқауға барлық мектеп жақсы дайындықпен келгенін көрсетті.