Қазақстан азаматтарының денсаулығы, білім алуы және әл-ауқаты ел дамуының «Қазақстан-2050» ұзақ мерзімді стратегиясының басым бағыттарының бірі болып табылады. Оны жүзеге асырудың негізі – халқымыздың көпшілігінде салауатты өмір салтын ұстану мәдениетін қалыптастыру.  Оны оқушылар педагогтар мен ата-аналардың арасында кеңінен тарату мақсатында 5 сәуірде мектебімізде «Денсаулық күні» өткізілді. Мереке салтанатты түрде ашылғаннан кейін мектеп оқушылары мен педагогтары футбол алаңында жаттығулар кешенін жасады. Іс-шара « О,спорт-сен бейбіт өмір әкелесің!» радиоконцертімен сүйемелденіп отырды.