Қазақстанның көрнекті ақыны, балалардың сүйікті жыршысы, халық жазушысы Мұзафар Әлімбаев - 90 жаста. Жазушы 1978 жылы Қазақстан Республикасының еңбек сіңірген мәдениет қызметкері атанып, 1996 жылы Жамбыл атындағы Халықаралық сыйлықтың иегері, Қазақстан халық жазушысы атағын алды. Осы тойға өз үлесін қосу мақсатында республика жұртшылығы әр-түрлі іс-шара өткізуде.
Мұзафар атаның мерей тойына байланысты №17 ЖББОМ кітапханасында мектеп оқушыларын ақын шығармашылығымен таныстыру мақсатында тақырыптық сөре рәсімделіп, аңыз- ертегілері туралы «Сен білесің бе?» атты әдеби ойын өткізілді. Сонымен қатар, «Балдырған» журналының ұзақ жылдар бас редакторы - Мұзафар Әлімбаевтың болғанын біліп, оқушылар «Балдырған» журналымен жете танысып, қызығушылық танытты.
