Биыл республикамызда «Бір ел-бір кітап-2013» акциясы аясында Фариза Оңғарсынованың шығармаларынан «Дауа» атты лирикалық жыр жинағы таңдалды.
Осыған орай №17 ЖББОМ қабырғасында «Ашық есік күндері» іс- шара аясында кітапхана мен 4 «Ә» сынып оқушылары «Поэзия патшайымы» атты ақын шығармашылығына арналған әдеби-музыкалық кеш өткізіп, кітап көрмесін рәсімдеді.
Ақынның ғұмырлық поэзиясы әнге айналып көкте қалықтайды. Ф.Оңғарсынованың сөзіне жазылған әндер бүгінгі таңда барша жұрттың жүрегінен берік орын алып, қуаныш пен қайғысын бөлісетін айнымас жан серігіне айналуда.Шара барысында оқушылар ақын өлеңдерінен үзінділер оқыса, ата-аналар: Адамова Жұмабике мен Духтаров Баубек Фаризаның әндерін тамылжыта орындады.
Иә, бүгінгі ақын мұрасы, маржан поэзиясы – мәңгілік болашақ ұрпақтың еншісінде, қастерлеп қадірлейтін қазынасы деп қорыта келе шара соңы концерттік бағдарламаға ұласты.
Contacts