5 қазан күні № 17 ЖББОМ  кітапханасында  1 сынып оқушыларына  «Кітапханамен танысу» саяхатын ұйымдастырдық. Кішкентай оқырмандар кітапхананы аралап, кітапты қалай ұстау керектігі мен оқырманның міндетіне не жататындығын білді. Кітапханада кітап көрмелері мен тақырыптық сөрелерге  және «Ертегілер еліне саяхат» жасады. Ертегі кітаптарына саяхат жасау барысында қызықты болу үшін, қағаздан әр түрлі бейнелер жасап, сол бейнеге ертегілердің атын жазып, «сұрақ-жауап» жүргізе отырып таныстырдық. Сонымен қатар ертегілердің  электронды қызылды-жасылды әрленген нұсқасын да ұсындық. Балалар бар ынталарымен тыңдап, кітаптарға  аса қызығушылық танытты.  Біздің міндетіміз де оқырмандарға бір мезгіл кітап оқу керектігін жеткіздік.