«Ауғандағы  отты жылдар»/«Пламя Афганистана»
Кітап көрмесі
Биыл Кеңес әскерінің Ауған жерінен шығарылғанына 33 жыл толды. Осыған орай бүгін 15.02.2022 жылы №17 ЖББ мектеп кітапханасында  оқушыларға арналған «Ауғандағы  отты жылдар»/«Пламя Афганистана» атты тақырыптық көрме ұйымдастырылды.                        
                    Ауған соғысы – Кеңес Одағы тұсындағы тарихтың ең қайғылы беттерінің бірі. 1979 жылы 12 желтоқсанда Кеңес Одағы басшыларының шағын тобы Ауғанстанға кеңес әскерін енгізу туралы шешім қабылдады. Сөйтіп, 1979 жылы 27 желтоқсанда КСРО әскерлері Ауғанстан шекарасынан өтіп, онда 1989 жылдың 15 ақпанына дейін соғыс қимылдарын жүргізді.
Он жылға жуық бөтен елдің мүддесін қорғаған Ауғаныстан әскерлері құрамында Қазақстаннан 22269 жауынгер интернациональдық міндетін атқарды. Олардың 924-і сұрапыл шайқаста ерлікпен қаза тапты, 21 адам хабар-ошарсыз кетті, мыңдаған азаматтар елге мүгедек болып оралды
Мақсатымыз: жас ұрпақты патриоттық сезімге, Отанын қорғауға, туған елін, жерін сүюге, сонымен қатар қаншама қазақстандық отбасына қасірет әкелген Ауған соғысына қатысқан ардагерлерге тағзым етіп, құрмет көрсетуге баулу.