Республикалық Бірыңғай «Жас Ұлан» балалар мен жасөспірімдер ұйымы мен Балалар мен жеткіншектер сарайы Мұқағали Мақатаев атамыздың 90-жылдық мерекесі аясында ұйымдастырған «#MukagaliBabamyzMaktanyshymyz» атты онлайн бейнероликтер байқауына мектебіміздің 23 оқушысы бағын сынап, белсенді қатысқандары үшін сертификаттарға, жауапты ұстаздар алғыс хаттармен марапатталды. Сөз додасында қара үзіп, ақын атасының асыл мұрасын жүректерге әсерлі жеткізе білген 7 «а» сынып оқушысы Бушанов Жандәулет ерекше көзге түсіп, «Мадақтамамен» марапатталды. Сондай-ақ, ақынның шығармасын оқумен қатар өз шығармасын ұсынған қауырсын қаламды жас дарынымыз, сөз тереңіне үңіліп, маржан сөз терген, ой өрбітіп, қалам тербеген 3 «а» сынып оқушымыз Қамбар Інжу де ақынға арналған арнауымен ерекшеленді.