Бүгін 8 наурыз мерекесіне арналған  «Әлемді әнімен тербеткен – АНА!» атты 1 сынып оқушыларының ата-аналарының арасындағы аналар сайысының, тамаша мерекелік көктемгі  көңіл күй сыйлаған іс-шараның куәгері болдық. Ұлағатты әжелеріміз бен өнерлі аналар сахна төрін жайнатып, әндерімен әлемді тербеп, домбыраның күмбірімен қыстың тонын жібітіп, жыр дестелерінен гүлдесте  тізгендей. Шебер қолдардың табы бар қолөнер бұйымдары мен қолдарынан бал тамған аспаздардың тіл үйірер тәтті дәмділері  - бір төбе. Арқаның қысы кете алмай, дала аппақ қар болса да, Әлемдері әдемі, өнерлі де шебер, дана да қамқор аналарымыз Гүл-Көктемді мектеп сахнасына орната салды. Керемет көрініс, танымы мол тағылымды шара. Ата-баба  дәстүрін жалғастырып, ұрпақ тәрбиесімен, немере тәрбиесімен  айналысып жүрген әжелерімізге ерекше қошемет пен құрмет білдіруші кітапхана меңгерушісі Б. Қ. Абеуова.