2019-2020 оқу жылындағы  24-28 ақпан аралығында қазақ тілі мен әдебиеті пәндерінің апталығының алғашқы күнінде Абай Құнанбайұлының 175 жылдық мерейтойына орай ұйымдастырылған «Ұлылардың Ұлысы – Абай» атты әдеби-танымдық сайыс өтті. Атаулы сайысқа 5-7 сынып оқушылары атсалыса қатысты. Шара барысы 4 бөлімнен құрылды. 1-бөлім –«Өлең сөздің патшасы...» (мәнерлеп оқу), 2-бөлім – «Құлақтан кіріп бойды алар, Әсем ән мен тәтті күй» (Абай әндерін орындау), 3-бөлім «Қара сөзбен халқына жол нұсқаған» (Абайдың қара сөздеріне бейнебаян түсіру немесе сахналау), 4-бөлім «Қыл қалам шебері» ( Абайдың табиғат лирикасындағы өлеңдеріне  сурет салу) Сайысқа  оқушылар белсене қатысып, ең үздік қатысушылар грамотамен марапатталды.  Шараны ұйымдастыру барысында мектебіміздегі «Кәусәр» оқушылар шығармашылық клубының мүшелері «Жас қалам» әдеби-танымдық басылымының Абай Құнанбайұлының 175 жылдығына арналған №2 нөмірін жарыққа шығарды. Мектеп кітапханашылары «Ұлы Абай жолымен» атты кітап көрмесін ұйымдастырды. Ұйымдастырушылар: қазақ тілі мен әдебиет пәнінің мұғалімдері:  Д.О.Садуова  мен  Ж.А.Тусупова.