READxжобасы аясында мектеп кітапханасында «Кітап оқу – ақыл тынысы» атауымен шара өткізілді. Басты мақсат – оқушылардың оқуға деген қызығушылығын арттыру, кітап оқуды насихаттау, кітапханаға тарту, көпшілік алдында сөйлеу мәнерінің қалыптасуына ықпал ету. Шарада оқушылар өздері спикер, өздері тыңдаушы, өздері бағалаушы болды. Сөреге қойылған қазақ тіліне аударылған шетел әдебиетінен өздеріне ұнаған кітапты таңдап алып, 5-10 минут уақыт аралығында шығармамен танысып, оны тыңдармандарға ұсынды. Тыңдармандар болса кітапты «оқимын», «ойланамын» деген карточкалармен дауыс берді.