2019 жылдың 21 қараша күні  Қарағанды қаласындағы КММ ЖББ 17 орта мектебінде  Елбасы Н.Ә.Назарбаевтың «Болашаққа бағдар: рухани жаңғыру»мақаласы негізінде жүргізіліп жатқан «Өнегелі өмір» жобасы аясында  қоғам қайраткерлері,  қазақ әдебиетінің ұлы ақындары С.Сейфуллин, І.Жансүгіров, Б. Майлиннің 125 жылдық мерейтойлары аясында ұлы тұлғаларымыздың   өмір жолы мен шығармашылығын жаңғырта насихаттау мақсатында «Үш бәйтерек- үш ғұмыр» атты  әдеби кеш өтті.

         Ұйымдастырылған шараға Қарағанды Мемлекеттік Университетінің ф.ғ.д.профессор Смағұлов Жандос Қожахметұлы және ф.ғ.к. доцент, ақын, айтыскер Жұмағұлов Айтбай Ботпайұлы шақырылды. Қонақтар тарихи тұлғалардың өмір жолы мен шығармашылығы жайлы танымды әңгіме өрбітті. Сондай-ақ, оқушылар шығармашылығы бойынша жарық көрген «Жас қалам»  әдеби танымдық басылымның тұсауын кесті. Өз кезегінде оқушылар мәнерлеп өлең оқып, сахналық қойылым қойды. Тарих пәнінің оқытушысы Сейл Сәкеннің «Тау ішінде» әнін нақышына келтіріп домбырады орындады.  Алаш арыстарының өмірінен сыр шертетін естеліктерді қамтыған ауқымды көрме қойылды.  

Келген қонақтар жас қаламгерлерімізге бата-тілектерін арнап, іс-шараны ұйымдастырған мектеп басшысы М.  М. Бакыжановқа,  мектеп кітапханашысы Б. К. Абеуоваға және қазақ тілі мен әдебиет пәнінің мұғалімдері Ж. А. Тусуповаға, Д. О.Садуоваға алғыстарын білдірді.

 Әдеби-танымдық кештің әдебиет сүйер жасқа берер тағылымы мол болды.