Облыстық Абай атындағы балалар кітапханасында қараша айының 27 күні қазақ ақыны Шәкәрім Құдайбердіұлының туғанына 160 жыл толуына орай «Шәкәрім - ақын, тарихшы, композитор» атты телекөпір Семей қаласының кітапханасымен бірлесіп өткізілді. Осы іс шараға №17 ЖББОМ оқушылары: Тұрғанбеков Ш., Дәулет А., Темирова С. қатыстып, Шәкәрімнің өлеңдерін оқып, қонақтарымыздың ықыласына бөленді.
Шараға Е.А.Бөкетов атындағы Қарағанды мемлекеттік университетінің қазақ әдебиеті кафедрасының аға оқытушысы Ж. Ш. Жұмагелдин, Семей қаласының кітапханасынан жазушылар одағының мүшесі, филология ғылымдарының кандидаты, ақын, аудармашы М. Р.Сұлтанбеков, журналист, ғалым, философия ғылымдарының кандидаты А. Қ.Омаров, абайтанушы, сазгер, қолөнер шебері А. Ахметжанов қатысты.
Сұлтанбеков Мұрат Рахымжанұлы Шәкәрімнің «Қалқаман-Мамыр», «Еңлік-Кебек», «Ләйлі-Мәжнүн» поэмаларын орыс тіліне аударып, орыс тілді оқырмандарға оқуға зор мүмкіндік туғызғаны жайында айтта кетті.
Контакты