Мектепте жыл сайын «Күзгі бал» кеші өткізіліп тұрады, бұл жылы да бұл мереке жалғасын тапты. Әдемі безендіріліген акт залында «Күз ханзадасы мен Күз ханшайымы - 2017» атты мереке өтті. Мерекеге қатысушылар өз қолдарынан қолөнерлерін жасап, «Күз кереметтері» көрмесіне әкеліп қойды.

Мерекеде викториналар, ойындар, билер, сонымен қатар конкурстар арасында музыкалық номерлер көрсетілді.

Әділқазылар алқасына жеңімпаздарды анықтау қиынға соқты, себебі барлық қатысушылар бұл мерекеге белсене қатысты. 1-4 сынып оқушылары арасында «Күз ханзадасы мен Күз ханшайымы - 2017» атты бас жүлдені 4А сынып оқушылары Тілеубек Мейрам мен Өтемісова Мөлдір жеңіп алса, 5-9 сыныптар арасында бас жүлдені 9б сынып оқушылары Сулейменова Ариана мен Уметалиев Али жеңіп алды.  Басқа жеңімпаздарға номинациялар бойынша грамоталар табысталды.