Қазан айы келді, бұл аймен бірге мұғалімдер күні мерекесі де келіп жетті. Мұғалімдер күні – жылдың жанға жайлы мерекесі.мектепте оқыған әр адам мұғалімнің өмірде алар орны өте маңызды екендігін біледі. Бізге педагогтер білімнің баға жетпес мол қазынасын беретіні айдан анық.

Қыркүйек айының басында – ақ № 56 мектептің 9-шы сынып оқушылары «Біз қашан мұғалімдер күнін тойлаймыз?» деген сұрақтарын қойып, өз қызығушылықтарын білдірді. Бұл сұрақты олар тегіннен-тегін қойған жоқ, себебі осы бір салтанатты күні олардың өздеріне үлкен жауапкершілік жүктеледі.

Дәл сол күні мұғалімдерге мерекелік көңіл-күй сыйлау үшін оқушылар мұғалімдерді мектептің 1-ші қабатында музыка әуенімен қарсы алды. Содан кейін барлық мұғалімдер өздерінің кабинеттеріне асықты, себебі онда оларды сүйікті оқушылары күтіп отырған еді. Оқушылар да өздерінің сынып жетекшілеріне деген жүрек жарды құттықтауларын жеткізді.

Әрі қарай мектепішілік салтанатты концерттік бағдарламамен жалғасты. Оқушылар бар өнерлерін ортаға салды; би биледі, өлең оқыды, ән айтты. Концерттік бағдарламаны Теміржолшылар Мәдениет Сарайынан келген әншілер өз әндерін айтып, әсерлендіре түсті. Міне біздің мектепте «Мұғалімдер күні» мерекесі осылай өтті.