№56 НОМ-ң өмірінде ерекше маңыз мектеп жанындағы аумақты абаттандыруға бөлінеді. Бұл жұмыс әдетте ағымды емтихандар аяқталғаннан кейін, жазғы маусымның бірінші күнінен басталады да, жаздың соңына дейін созылады. Бұл кезеңде оқушылар үшін биология пәні бойынша меңгерген теориялық білімдерін іс жүзінде пайдалануға мүмкіншілік туындайды. Мектеп ұстаздарының басқаруымен ұйымдастырылған бұл жұмыс барысында оқушылар гүлдердің көптеген түрлерімен танысып, оларды егу және күту жолдарын анықтап, практикалық дағдыларын арттырады. Көп жылдан келе жатқан дәстүр бойынша бұл  жұмысқа мектептің орта буында оқитын оқушылардың барлығы белсене қатысады.2017 жылдың жазғы маусымын 5 сынып оқушылары және олардың жұмыс жетекшілері Хасенова Г.М., Касенова С.А. мен Балабекова Ж.А. бастады.   1 маусым мен 14 маусым аралығында олар көптеген жұмысты атқаруды үлгерді: тұқым дайындап, түрлі гүлдерді отырғызып, оларды суарып, аумақты арам шөптен тазалады. Оқушылар өз еңбектерінің нәтижесін көріп, өздерінің еңбекке және қоршаған ортаға деген жауапкершіліктерін арттыруға, сонымен қатар экологиялық  және эстетикалық мәдениеттерін қалыптастыруға, табиғатты қорғау жұмысына деген қызығушылықтарын арттыруға ынталанды.