06.05.2016 жылы №56 негізгі орта мектебінде«Ешкім де, ешқашан да ұмытылмайды!» атты мерекелік шара өтті. Бұл іс-шараның мақсаты - жас-өспірімдерді Ұлы Отан соғысы кезіндегі қазақстандықтардың ерлік істерімен таныстыру; ой - өрісін дамыту; балаларды адамгершілікке, Отанын сүюге, оны қорғауға баулу; Отан үшін жан қиған аталар мен апалардың, соғыстан оралған, қазіргі кезде арамызда жүрген ардагерлеріміздің ерлігін үлгі ете отырып, оларды құрметтеуге тәрбиелеу; балаларды үлкен адамдарды сыйлай білуге, оларды қадірлеуге тәрбиелеу. Мерекелік іс-шараға қонақ ретінде тыл ардагері Байбусинов Тукен Шакенұлы шақырылды. Ардагер соғыс уақытында өз басынан өткен оқиғалар, сол кездегі адамдардың ауыр тұрмысы туралы сыр шертті. Солардың құрметіне мектеп оқушылары сахнада өз өнерлерін көрсеттіп, ардагердің ақ батасын алды.